Գարիկ Մարտիրոսյանն ուրախացրել է իր Instagram-ում հրապարակված հերթական տեսագրություններով։ Հայ շոումենը հրապարակել է երկու տեսագրություն՝ ամանորյա Comedy Club –ի նկարահանումներից։
Առաջին տեսագրությունում Գարիկ Մարտիրոսյանն ու Գարիկ Խարլամովը ցույց են տվել, թե ինչպես են պատրաստվում ելույթին։
Իսկ ահա երկրորդում, ըստ երևույթին արդեն նկարահանումներից հետո, երբ Comedy-ի կազմը նշում էր հաջող նկարահանումները, Գարիկը երգել է ռեզիդենտների հետ։
«Երբ չգիտես բառերը, բայց գիտես մոտավոր մոտիվն ու մոտավոր ակորդները։ Ու նաև հարբած ագռավի նման ես երգում»,- մակագրել է տեսահոլովակը Մարտիրոսյանը։
Հիշեցնենք, որ անցած շաբաթ Գարիկ Մարտիրոսյանը «նվաստացրել էր» Ռուսաստանի ֆուտբոլի հավաքականը՝ «Պրոժեկտորպերիսհիլթոն» հաղորդման ժամանակ։