Բրեդ Փիթը 100 հազար դոլար է առաջարկել Էմիլյա Քլարքի հետ «Գահերի խաղը» համատեղ դիտելու համար
15:07 7 հունվարի, 2018Երեկ երեկոյան Շոն Փենը բարեգործական երեկույթ է կազմակերպել, որի նպատակը դրամահավաքն էր իր Sean Penn & Friends Haiti Rising հիմնադրամի համար (2 տարի առաջ Հաիթիում ողբերգություն էր տեղի ունեցել: Երկրաշարժը խլել էր ավելի քան 222 հազար մարդու կյանք, եւս մոտ 310 հազար հաիթցիներ տուժել էին):
Բարեգործական երեկույթն անցկացվել է Հոլիվուդում, որին մասնակցել է Բրեդ Փիթը, ինչպես նաեւ «Գահերի խաղը» սերիալի հերոսներ Էմիլյա Քլարքը եւ Քիտ Հարինգթոնը:
Վերջինները հենց այնպես չէին եկել: Դերասաններն իրենք են աճուրդային լոտ դարձել: Ինչպես հայտնում է Variety-ն, աճուրդի է դրվել կինոնկարի հերոսներ Էմիլյա Քլարքի եւ Քիտ Հարինգթոնի հետ սերիալի սերիաներից մեկի համատեղ դիտման հնարավորությունը:
Փիթը պատրաստ էր 100 հազար դոլար վճարել Էմիլյայի հետ սերիայի համատեղ դիտման համար, սակայն պարտվել է, քանի որ ինչ-որ մեկը (անունը չի հրապարակվում) վճարել է 160 հազար դոլար:
Ի դեպ, ինքը՝ Էմիլյան 90 հազար դոլարով ձեռք է բերել աճուրդի դրված Ջոշ Սմիթի նկարը: