«Ոսկե Գլոբուս 2018». Գարի Օլդմանը, Նիքոլ Քիդմանը, Գիլյերմո դել Տորոն եւ մյուս հաղթողները

09:15   8 հունվարի, 2018

Լոս Անջելեսում տեղի է ունեցել «Ոսկե Գլոբուս» մրցանակի հանձնման 75-րդ արարողությունը, որը կինոյի աշխարհում երկրորդ «Օսկար» են համարում:

Մեր նախընտրած գործով՝ կարմիր գորգի կերպարներն ավելի ուշ կդիտարկենք, իսկ առայժմ ձեզ կներկայացնենք մրցանակի հաղթողներին, որոնք հանձնել են The Beverly Hilton հյուրանոցում:

Եվ այսպես՝ ձեզ ենք ներկայացնում հաղթողների հիմնական ցանկը.

Դերասան Գարի Օլդմանը հաղթել է «Լավագույն դերասան» անվանակարգում: Օլդմանը առաջադրված էր «Մութ ժամանակներ» ֆիլմում դերի համար:

Այս անվանակարգում պայքարում էին նաեւ Թոմ Հենքսը («Գաղտնի թղթապանակ»), Տիմոթի Շալամեն («Ինձ իմ անունով դիմիր»), Դենիել Դեյ Լյուիսը («Անտեսանելի թել») եւ Դենզել Վաշինգթոնը («Ռոման Իսրայել, Esq.»):

Դերասանուհի Ֆրենսիս Մակդորմանդը «Ոսկե Գլոբուսի» մրցանակը ստացել է լավագույն կանացի դերի համար դրամատիկական՝ «Երեք բիլբորդ Էբբինգի սահմանին, Միսսուրի» ֆիլմի համար:

Անվանակարգում պայքարել են նաեւ Մերիլ Սթրիփը, Սալլի Հոքինսը եւ Միշել Ուիլյամսը:

Լավագույն դրամա՝ «Երեք բիլբորդ Էբբինգի սահմանին, Միսսուրի» (Three Billboards Outside Ebbing, Missouri)

Լավագույն կատակերգություն կամ մյուզիքլ՝ «Լեդի Բերդ» (Lady Bird)

Լավագույն ռեժիսոր՝ Գիլյերմո դել Տորո, «Ջրի կառուցվածքը» (The Shape of Water)

Օտար լեզվով լավագույն ֆիլմ՝ «Սահմանագծին», ռեժիսոր Ֆաթիհ Աքըն (Գերմանիա)

Լավագույն մինիսերիալ կան հեռուստաֆիլմ ՝«Մեծ փոքր սուտ» (Big Little Lies)

Մինիսերիալի կամ հեռուստաֆիլմի լավագույն դերասան՝ Էվան ՄակԳրեգոր, «Ֆարգո» (Fargo)

Մինիսերիալի կամ հեռուստաֆիլմի լավագույն դերասանուհի՝ Նիքոլ Քիդման, «Մեծ փոքր սուտ» (Big Little Lies)

Սերիալում երկրորդ պլանի լավագույն դերասանուհի՝ Լորա Դերն, «Մեծ փոքր սուտ» (Big Little Lies)

Մինիսերիալի կամ հեռուստաֆիլմի երկրորդ պլանի լավագույն դերասան՝ Ալեքսանդր Սքարսգարդ, «Մեծ փոքր սուտ» (Big Little Lies)

Սեսիլիա Բ. դե Միլլի անվան պատվավոր մրցանակ՝ Օփրա Ուինֆրի։

 

Աղբյուրը՝ Daily Mail

Լուսանկարները՝ Getty, Rex, Shutterstock



© NEWS.am STYLE