Քիմ Քարդաշյանը ներկայացրել է սադրիչ լուսանկարների շարք։ 37-ամյա հայուհին իր Instagram-ում ու Twitter-ում հրապարակել է տարբեր ոճերի մի քանի լուսանկար։
Հեռուստաաստղը նախ ցուցադրել է մի լուսանկար սև-սպիտակ ֆոտոշարքից, որի հեղինակներն են Մերթ Ատլաս ու Մարկուս Պիգոտ հանրահայտ լուսանկարիչները։
Ընդ որում՝ այն լուսանկարի վրա, որտեղ Քիմը ծխախոտով է պատկերված, հայուհին ծխելու դեմ նշան է տեղադրել։
Հաջորդը «ՄաքԴոնալդս» պաղպաղակով լուսանկարն է։
Իսկ Քիմի Twitter-ը բաժանորդներին ուրախացրել է երկու լուսանկարներով, որտեղ հայուհին պարծենում է իր կազմվածքով։
Հիշեցնենք, որ Քիմ Քարդաշյանն ու Քանյե Ուեսթը բոլորովին վերջերս իրենց նոր առանձնատուն են տեղափոխվել, որը 2014 թվականին ձեռք են բերել 20 մլն դոլարով:
Տան վերանորոգումը տեւել է գրեթե չորս տարի, որի համար զույգը 20 մլն դոլար է ծախսել: Ներկայում առանձնատունը շուկայում 60 մլն դոլար է գնահատվում։ Բայց զույգն, իհարկե, ամենեւին մտադիր չէ այն վաճառել:
Ինչպես հայտնում է TMZ-ն, առանձնատան ներքին դիզայնի վրա աշխատել է հայտնի բելգիացի հնահավաք եւ դիզայներ Աքսել Վերվորդը, որի երկրպագուն է Քանյե Ուեսթը: