Լոս Անջելեսում երեկ կայացել է «Ոսկե Գլոբուս» մրցանակաբաշխության 75-րդ արարողությունը, որի կարմիր գորգն արդեն հասցրել են անվանել «սեւ». աստղերը զանգավածաբար սեւ զգեստ էին հագել՝ ի նշան Հոլիվուդում սեռական բռնությունների դեմ բողոքի։
Westworld սերիալի աստղ Անժելա Սարաֆյանին թեեւ չտեսանք բուն մրցանակաբաշխության կարմիր գորգին, սակայն հայուհին մասնակցել է մրցանակաբաշխությանը հաջորդած խնջույքներին։
Կապուտաչյա գեղեցկուհին միացել է ակցիային՝ նախընտրելով սեւ թավշյա զգեստ։
Կերպարը Անժելան լրացրել է մանուշակագույն վզնոցով եւ նույն գույնի դիմահարդարմամբ։
Հիշեցնենք, որ «Ոսկե Գլոբուս 2018» -ում Գարի Օլդմանը հաղթել է «Լավագույն դերասան» անվանակարգում: Օլդմանը առաջադրված էր «Մութ ժամանակներ» ֆիլմում դերի համար:
Դերասանուհի Ֆրենսիս ՄաքԴորմանդը «Ոսկե Գլոբուսի» մրցանակը ստացել է լավագույն կանացի դերի համար դրամատիկական՝ «Երեք բիլբորդ Էբբինգի սահմանին, Միսսուրի» ֆիլմի համար, իսկ լավագույն ռեժիսոր է ճանաչվել Գիլյերմո դել Տորոն (The Shape of Water):
Լուսանկարները՝ Անժելա Սարաֆյանի Instagram-ի