Լոս Անջելեսում կայացած «Ոսկե Գլոբուս» մրցանակաբաշխության 75-րդ արարողության մասին դեռ երկար կխոսվի: Արարողության կարմիր գորգն արդեն հասցրել են անվանել «սեւ». աստղերը զանգավածաբար սեւ զգեստ էին հագել՝ ի նշան Հոլիվուդում սեռական բռնությունների դեմ բողոքի։
Ի թիվս հայտնի կանանց, total black լուք էին նախընտրել նաեւ տղամարդիկ: Նրանցից մեկը՝ երգիչ, երգահան եւ դերասան Նիկ Ջոնսը, ընդգրկվել է միանգամից երկու հեղինակավոր պարբերականների՝ GQ-ի եւ Vogue Paris-ի՝ «Ոսկե Գլոբուս» -ին ամենալավ հագնված տղամարդկանց ցանկում:
Հարկ է նշել, որ արտիստի կերպարով զբաղվել է Լոս Անջելեսում հայտնի ոճաբան Ավո Երմագյանը:
Ավոյի մշտական հաճախորդներից է նաեւ դերասանուհի Անժելա Սարաֆյանը: Westworld սերիալի աստղին թեեւ չտեսանք բուն մրցանակաբաշխության կարմիր գորգին, սակայն հայուհին մասնակցել է մրցանակաբաշխությանը հաջորդած խնջույքներին։
Կապուտաչյա գեղեցկուհին միացել է ակցիային՝ նախընտրելով սեւ թավշյա զգեստ։
Այս կերպարը նույնպես Ավո Երմագյանի ձեռքի գործն է ;)