ՀՀ ժողովրդական արտիստ, սիրված դերասան եւ մշակութային գործիչ Հրանտ Թոխատյանն այսօր՝ հունվարի 10-ին, նշում է ծննդյան 60-րդ տարեդարձը: Քչերին է հայտնի, բայց Հրանտ Թոխատյանը բացի դերասանական կարիերայից, աշխատել է նաեւ որպես ուսուցիչ: 1981 թ-ին, ավարտելով Երեւանի Վ. Բրյուսովի անվան պետական լեզվահասարակագիտական համալսարանը, Թոխատյանը որպես ռուսաց լեզվի եւ գրականության ուսուցիչ աշխատել է Օշականում:
1976 թ-ին հրավեր է ստացել Կամերային թատրոնից, որտեղ աշխատել է շուրջ 15 տարի:
Հրանտ Թոխատյանն այն դերասաններից է, որոնք պահանջված են ոչ միայն հայ, այլեւ օտարազգի ռեժիսորների շրջանում: Դերասանն ակտիվորեն նկարահանվում է նաեւ ռուսական նախագծերում, որոնցից հատկապես հայտնի են «Վերջին Մոհիկյանը» եւ «Պապ 005» նախագծերը:
NEWS.am STYLE-ն առանձնացրել է դերասանի մասնակցությամբ եւս մի քանի նախագիծ, որոնք առաջարկում ենք անպայման դիտել:
«Մեր Բակը»
«Վերջին Մոհիկյանը»
«Երկրաշարժ»
«Մեծ պատմություն փոքր քաղաքում»
«Պապ 005»
NEWS.am STYLE-ը շնորհավորում է սիրված դերասանին՝ մաղթելով ամուր առողջություն եւ նոր դերեր: