Սեռական ոտնձգությունների մեջ մեղադրվող Հարվի Վայնշթեյնի վրա ռեստորանում հարձակվել են
22:50 10 հունվարի, 2018Երկրպագուն ռեստորանում հարձակվել էր Հարվի Վայնշթեյնի վրա։ TMZ-ի փոխանցմամբ՝ սկանդալային պրոդյուսերը, որին սեռական ոտնձգությունների մեջ է մեղադրում 80 կին, ընկերոջ հետ ընթրում էր Արիզոնա նահանգի Սքոթսդեյլ քաղաքի Elements ռեստորանում։
Այդ նույն ռեստորանում էր ընթրում ոմն Սթիվ, որն ալկոհոլի ազդեցության տակ մոտեցել է պրոդյուսերին ու երկու անգամ ապտակել նրան՝ անվանելով «տականք»։
Ճիշտ է, Սթիվը սկզբում մոտեցել ու լուսանկար է խնդրել (նախապես ընկերոջը խնդրելով ամեն ինչ տեսագրել)։ Իսկ երբ Հարվին մերժել է՝ Սթիվը ապտակել է նրան։
Ի դեպ Հարվին իր վրա հարձակվողի մասին հաղորդում չի տվել ոստիկանություն։