«Մի փոքր շուտ եմ մեծացել». Իրինա Հարությունյանը՝ NEWS.am STYLE-ի «Առաջին անգամ» խորագրում

14:25   12 հունվարի, 2018

NEWS.am STYLE-ն իր ընթերցողներին ներկայացնում է «Առաջին անգամ» խորագիրը, որի նպատակն է բլից հարցման միջոցով հայտնիներից պարզել, թե երբ են առաջին անգամ սիրահարվել, սեր խոստովանել, հիասթափվել, հաջողության հասել եւ նման այլ հարցեր...

Մեր խորագրի այսօրվա հերոսուհին երգչուհի Իրինա Հարությունյանն է.

Ե՞րբ առաջին անգամ հասկացաք, որ պետք է դառնաք երգչուհի:

Դա այնքան վաղ տարիքում էր, որ նույնիսկ չեմ կարող ասել՝ հասկացա՞, թե՞ ինքնաբերաբար ստացվեց, որովհետեւ հենց այդպես էլ պետք է լիներ:

Ո՞ւմ եք առաջինը պատմում Ձեր կյանքում տեղի ունեցող նորությունները:

Պայմանավորված է նորությունների բնույթից, սովորաբար շատ մտերիմ ընկերներիս:

Առաջին անգամ ո՞ր տարիքում եք սիրահարարել:

Ինչպես գրեթե բոլորը՝ պատանեկության տարիքում:

Ե՞րբ եք առաջին անգամ սեր խոստովանել:

17 տարեկանում:

Ե՞րբ են առաջին անգամ Ձեզ սեր խոստովանել:

Գրեթե նույն տարիքում:

Առաջին հիասթափությունը...

Դա վաղ տարիքում էր, մի փոքր շուտ եմ մեծացել:

Ձեզ հանդիպած առաջին դժվարությունը: Ինչպե՞ս եք այն հաղթահարել:

Դժվարություններ եղել են, բայց չեմ հիշում այնպիսի մեկը, որը չեմ հաղթահարել կամ դժվար եմ հաղթահարել, որ կարողանամ այս պահին առանձնացնել: Հաղթահարում եմ՝ ճիշտ որոշումներ կայացնելով:

Ձեր առաջին երգը:

«Դու դեռ չգիտես, թե ով եմ ես» երգն էր իմ առաջին երգը, որը Մարտին Միրզոյանի եւ Ավետ Բարսեղյանի համատեղ աշխատանքն է:

Առաջին մեծ հաջողությունը:

Երբ ծնողներիս համոզեցի, որ համաձայնեն երգչուհի դառնամ:

Ձեզ համար առաջնային է...

Անկեղծ լինել բոլոր դեպքերում:

Կա՞ր թեմա, որ այսօր առաջին անգամ բացահայտեցիք:

Ոչ, բայց կային հարցեր, որոնց պատասխանելու համար մի փոքր մտածեցի:

Սյունե Առաքելյան



© NEWS.am STYLE