Կյանքը բավականին կարճ է և պետք չէ այն բարդացնել ու դժբախտացնել: Մեզ այս աշխարհում տրված ժամանակահատվածը հնարավորինս երջանիկ ու թեթև ապրելու և, ընդհանրապես, կյանքը հեշտացնելու համար հետևեք այս կանոններին:
Արեք միայն այն, ինչ ի սրտե եք ցանկանում, եղեք նրա կամ նրանց հետ, ով կամ ովքեր ձեզ դուր են գալիս, այլ ոչ թե պարտադրված այդ մարդկանց հետ շփվեք: Մենք ինքներս ենք ընտրում մեր կյանքի ուղին և ազդում իրադարձությունների ընթացքի վրա: Մի գնացեք ամբոխի հետևից, այլ հետևեք սեփական համոզմունքներին: Միայն այդպես հնարավոր կլինի իրականացնել երազանքները:
Ուրիշներին մի պարտադրեք աշխարհին ձեր աչքերով նայել: Շրջապատի մարդիկ, ինչպես և դուք, սեփական տեսակետն ունենալու իրավունք ունեն: Հնարավորինս հանդուրժող եղեք, և մարդիկ ձեզ կսիրեն:
Բարձրաձայնեք այն ամենի մասին, ինչը ձեզ դուր չի գալիս: Տարաձայնությունները հարկավոր է հարթել սկզբում, քանի դեռ դրանք վեճերի և այլ խնդիրների չեն վերաճել: Նման մոտեցումը հնարավորինս կհեշտացնի շրջապատի մարդկանց հետ ձեր հարաբերությունները:
Անհարկի խորհուրդներ մի տվեք, եթե ձեզ այդ մասին չեն խնդրում: Ինչպես արդեն նշեցինք, ամեն մարդ սեփական կարծիքն ու տեսակետն ունենալու և իր ընտրությունը կատարելու իրավունք ունի:
Հարցերին հստակ պատասխան տվեք և զերծ մնացեք ավելորդաբանություններից: Երբեմն խնդիրները պարզապես մենք ինքներս ենք հորինում և արդեն դրանցից իսկական տհաճ պատմություններ սարքում:
Հարաբերություններ պարզելիս միայն ինքներդ ձեզ դատեք: Դուք չեք կարող գիտակցել ուրիշների սխալները, եթե սկզբից մինչև վերջ նրա կյանքով չապրեք: Ուստի զերծ մնացեք մյուսներին դատափետելուց և ամեն ինչի մեջ ուրիշի մեղավորությունը փնտրելուց:
Հիշաչար մի եղեք, աշխատեք մոռանալ երբեմնի վիրավորանքը: Միայն առաջ նայեք, անցյալը թողեք անցյալում:
Աղբյուր`Womanhit.ru