Լյուբով Ուսպենսկայան երգել է Վենետիկի փողոցում, որպեսզի վերադարձի տոմսի համար փող հավաքի
14:05 13 հունվարի, 2018Լյուբով Ուսպենսկայան երգել է Վենետիկի փողոցում, որպեսզի վերադարձի տոմսի համար փող հավաքի, գրում է «Собеседник»-ը։
Ուսպենսկայան մի քանի օր առաջ Իտալիա էր մեկնել և այնտեղ իր ժամանցի համար մեծ գումարներ ծախսել։ Արդյունքում՝ 63-ամյա երգչուհին փողոց է դուրս եկել՝ «ձեռքը պարզած»։ Խաչմերուկներից մեկում աստղը պարզել է գլխարկն ու սկսել երգել՝ ակնկալելով անցորդներից փող հավաքել։
«Մնացել ենք առանց կոպեկի,- հայտնել է նրա ուղեկիցը,- Լյուբով Ուսպենսկայայան վերադարձի տոմսի համար գումար է հավաքում»։
Մի քանի րոպեում Լյուբովը մի քանի տասնյակ եվրո է հավաքել. փող տվողները հիմնականում ռուս զբոսաշրջիկներ են եղել, որոնք նրան միանգամից ճանաչել են։