Չարժե մտածել, թե ձեր զուգընկերը սեքս չի ուզում
«Մի շտապեք եզրահանգումներ անել ձեր զուգընկերոջ սեռական հակումների վերաբերյալ՝ առանց անմիջապես նրա հետ խոսելու», - հայտնում է սեքսապաթոլոգ Մուշումի Հոուսը՝ Լոս Անջելեսից:
«Այն զույգերը, որոնք վաղուց միասին են, պետք է պլանավորեն ինտիմ շփման օրերը, որպեսզի դարձյալ իրար հետ սեքսի դրական կանխավայելում ապրեն»:
Պետք է ընդունել սեփական վիրավորանքները
Եթե մարդը բավականաչափ հաճախ է լսել «չէ, այսօր չէ, սիրելիս» բառերը, նրա հոգում վիրավորանքի եւ ամոթի զգացում է առաջանում: Ամենից հաճախ այդ վիրավորանքը փոխանցվում է հարաբերությունների եւ համատեղ կյանքի այլ ոլորտներ: Նման իրավիճակում Հոուսը սեքսից հրաժարվող զուգընկերոջը խորհուրդ է տալիս խոստովանել, որ այժմ գնդակն իր դաշտում է: Եկել է սեքս նախաձեռնելու իր հերթը։
Երբ զուգընկերները դարձյալ գիտակցում են միմյանց պահանջմունքները, Հոուսը խորհուրդ է տալիս հերթով սեքս նախաձեռնել:
Պլանավորեք սեքսը
Դուք պլանավորում եք, թե ինչպես ներկա լինեք երեխայի հանդեսին: Պլանավորում եք, թե ինչպես այցելեք բժշկին եւ այլն: Եթե ամուսնության մեջ սեքսը կորել է, սեքսապաթոլոգ Մայքլ Աարոնը Նյու Յորքից խորհուրդ է տալիս նաեւ սեքսը պլանավորել: Ընդ որում, անհրաժեշտ է պլանավորել ոչ միայն ժամանակը, այլեւ բոլոր համընթաց մանրամասները:
Խոսեք ձեր ֆանտազիաների մասին
Չափազանց հաճախ, ասում է Հոուսը, երկարատեւ հարաբերություններում զուգընկերներն իրար չեն հայտնում սեքսուալ նոր ֆանտազիաները եւ հետաքրքրությունները: Սովորաբար դա ավելի խորը հարց է, քան այն, թե մարդն ինչ է ուզում անկողնում: Մարդը պետք է բացվի: Օրինակ` խոստովանի, որ ուզում է տիրապետել կամ հակառակը, ենթակայի դեր խաղալ:
Սովորեք աշխատել սեռական ցանկացած խնդրի հետ
Սեռական տարբեր դիսֆունկցիաները (օրինակ` էրեկտիլ դիսֆունկցիան, վաղաժամ սերմնաժայթքումը կամ հեշտոցային քսուքի բացակայությունը) մարդկանց ստիպում է ապրումներ ունենալ սեքսի պատճառով, բացատրում է Նյու Յորքից հոգեթերապեւտ Լորել Շթեյնբերգը: Պետք է փոխել սեփական գիտակցությունը եւ հաշտվել այն փաստի հետ, որ մարմինը ոչ միշտ է գործում այնպես, ինչպես դուք կուզեիք:
Ավելի քիչ գլուխ, ավելի շատ մարմին
«Եթե դուք ամբողջ օրն ընկղմված եք եղել աշխատանքի մեջ, բարդ կլինի սեփական մարմնի հետ կապ գտնել, ինչպես նաեւ գործարկել սեռական էներգիան», – շարունակում է սյունակագիրը: Այդ խնդիրը հաղթահարելու համար Սան Դիեգոյից սեքսապաթոլոգ Քրիստին Ցեյզինգը զույգերին խորհուրդ է տալիս լսել սեփական մարմնին եւ շատ ուշադիր լինել այն նուրբ սեռական ազդանշանների հանդեպ, որ ուղարկում է զուգընկերը:
Վերջ տվեք մտահոգվել օրգազմի պատճառով
Իրենց սեռական կյանքի առումով ապրումներ ունեցող զույգերին Հոուսը սիրում է հիշեցնել, որ սեքսը չպետք է անպայման օրգազմով ավարտվի:
«Եթե օրգազմ եղել է, հրաշալի է: Դա յուրահատուկ բալ է տորթի վրա,- սեքսապաթոլոգին է մեջբերում հեղինակը: Բայց սեքս կարող է լինել նաեւ ակտիվ համբույրների սեանսը` մերկ, կամ լոգասենյակում միասին անցկացված ժամանակը եւ նույնիսկ մերսումը: Մտերմության այլ` զուգընկերներին պակաս վախեցնող եւ ճնշող տեսակների քաջալերումը կարող է զույգին վերադարձնել մեծ սեքս», – ամփոփում է Հոուսը:
Աղբյուրը` Ivona