Ռոք երաժշտության ամենավառ վոկալիստներից մեկի՝ Դոլորես Օ’Ռիորդանի հիշատակին

Another mother's breaking

Heart is taking over

When the violence causes silence

We must be mistaken

Երեկ հայտնի է դարձել Դոլորես Օ’ Ռիորդանի մահվան մասին։ Նա 46 տարեկան էր։

Ես որևէ բան չեմ գրի նրա կենսագրության մասին, բարեբախտաբար բազմաթիվ կայքեր հիմա հուզիչ հոդվածներ են հրապարակում, բացի դրանից դուք կարող եք անհրաժեշտ բոլոր տեղեկությունները գտնել Վիքիպեդիայում։

Առավել ևս , որ ռոք երաժշտությունը վաղուց է վերածվել լավ փաթեթավորված արտադրանքի՝ վերնաշապիկների վրա ռոք խմբերի անունների լոգոտիպերով։

Եթե ձեր երիտասարդությունն անցել է 90 –ականներին՝ անհնար է, որ դուք չլսեիք Zombie երգը, իսկ այս տողերի հեղինակը լսել է այդ երգը կենդանի հնչողությամբ, երբ Cranberries խումբը միավորվել էր ու շրջագայություն կազմակերպել՝ 2010-ի մարտի 8-ին այցելելով Տուլուզ քաղաքը։

Ես ուզում եմ խոսել այն էներգետիկայի մասին, որը հորդում է Դոլորեսից։

Խումբը հաստատ շատ գումար չէր ծախսել հատուկ էֆեկտների կամ հատուկ բեմի համար, նրանք պարզապես դուրս էին եկել բեմ ու սկսել  նվագել՝ դահլիճին փոխանցելով էներգիայի այնպիսի լիցք, որ Zenith դահլիճում 10 000 մարդ երեք ժամ անդադար ցատկոտում էր։

Zombie երգը խումբը կատարել է երկու անգամ։ Ընդ որում հաջորդաբար, քանի որ դահլիճն անընդհատ պահանջում էր այդ հիթը ու ձայնակցում երգչուհուն։ Այդ պահին Դոլորեսը բարձրախոսը ուղղել էր դեպի դահլիճ ու ամբողջ երկրորդ քառյակը նրա երկրպագուներն են կատարել։

Համառորեն փնտրելով համացանցում, ես գտա այդ համերգից ահա այս տեսագրությունները , որոնք էլ հենց ուզում եմ ցույց տալ ձեզ։

Համերգի ժամանակ Դոլորեսը մի քանի անգամ շնորհակալություն է հայտնել երկրպագուներին աջակցության համար, Իռլանդիային է շնորհակալություն է հայտնել այն բանի համար, որ կա ու իր ամբողջ ընտանիքին բեմից սեր է խոստովանել։

Այս պահի դրությամբ երգչուհուն մահվան պատճառը հայտնի չէ...