Քիմ Քարդաշյանն ու Քանյե Ուեսթը երեկ երրորդ անգամ ծնող են դարձել։
Աղջկա անվան մասին որևէ նորություն դեռ չկա, առայժմ հայտնի է, որ Քիմն ու Քանյեն ծննդաբերության ժամանակ եղել են Cedars-Sinai հիվանդանոցում։ TMZ-ը գրում է, որ Քիմն ամբողջ ընթացքում գտնվել է փոխնակ մոր կողքին, իսկ Քանյե Ուեսթը նրան է միացել ծննդաբերությունից հետո։ Ընդ որում՝ դստեր ծնվելուց անմիջապես հետո Քանյե Ուեսթը հենց հիվանդանոցից գնացել է աշխատանքի՝ իր ստուդիա։ Քիմն առաջինն է գրկել դստերը։ Սակայն փոխնակ մորն էլ են թույլատրել որոշ շփում երեխայի հետ։
Հիվանդանոցում են գտնվել նաեւ Քորթնին, Քլոեն ու Քրիս Ջեները։
Հայտնի է նաև, որ փոխնակ մոր առողջությանը հետևում էր Քարդաշյան գերդաստանի ընտանեկան բժիշկ Փոլ Քրեյնը։
«Քանյեն ու ես երջանիկ ենք Ձեզ հայտնել այն մասին, որ լույս աշխարհ է եկել մեր առողջ ու գեղեցիկ դուստրը։ Շատ շնորհակալ ենք փոխնակ մորը, որն իրականացրել է մեր երազանքը, նաև բժիշկներին ու բուժքույրերին՝ հատուկ հոգատարության համար։ Նորթն ու Սեյնթը անհամբերությամբ սպասում են քրոջ հետ հանդիպմանը»,- գրել էր 37-ամյա հայուհին իր կայքում երեխայի ծնվելուց անմիջապես հետո։