Այսօր՝ հունվարի 17-ին, ծննդյան 56-ամյակն է նշում հոլիվուդյան աստղ եւ հայտնի կատակերգու Ջիմ Քերին:
Սա այն դեպքն է, երբ վստահորեն կարելի է ասել՝ նա Հոլիվուդի ամենասիրված դերասաններից է, որին շատ հեշտությամբ հաջողվում է նույնիսկ ամենատխուր պահերին ծիծաղեցնել իր անսովոր ժեստերով:
Դերասանի մասնակցությամբ հայտնի կատակերգություններն են՝ «Դիմակը», «Էյս Վենտուրա», «Հիմարն ու ավելի հիմարը», «Սուտասանը», «Բրյուս ամենակարողը» եւ այլն:
Այսօր վերհիշել ենք Ջիմ Քերիի ամենահայտնի մեջբերումներից մի քանիսը.
«Ամեն մեծ տղամարդու հետեւում էլ մի կին է կանգնած, որն աչքերը պտտում է նրա վրա»:
«Կյանքը քեզ հնարավորություններ է տալիս. դու կամ դրանք վերցնում ես, կամ էլ մի կողմ ես քաշվում»:
«Եթե դու չես ապրում տվյալ պահով, ուրեմն դու կամ նայում ես դեպի անորոշ ապագա, կամ էլ՝ զղջումներով լի անցյալ»:
«Ես հավատում եմ այն մտքին, որ մենք ստեղծում ենք մեր սեփական տիեզերքը: Ես իմը փորձում եմ շատ լավը ստեղծել»:
«Մոռացիր ցավի մասին, ծաղրիր այն եւ ծիծաղիր դրա վրա»:
«Միգուցե, շատերն ինձ փորձեն սահմանափակել, բայց ես ինքս երբեք ինձ չեմ սահմանափակում»:
«Հուսահատությունը օգնում է մարդուն ստեղծել ինչ-որ բան: Երբ հուսահատված չես լինում, հետաքրքրված չես լինում ոչ մի բանով»:
«Եթե ունես տաղանդ, պաշտպանիր այն»:
«Ես շատ էի սիրում նկարել: Երբ մայրս ասում էր մեկ ուրիշ բանով զբաղվեմ, միանգամից գժվում էի»:
«Ինձ չի հետաքրքրում, որ շատերը կարծում են՝ ես չափից դուրս շատ եմ դերասանության մեջ: Եթե նրանց դա դուր է գալիս, ինձ համար ամեն ինչ միեւնույն է»: