Մինչ Բրեդլի Քուփերը Ժնևում մասնակցում էր IWC Schaffhausen ժամացույցի հայտնի ապրանքանիշի ամենամյա միջոցառմանը, նրա ընկերուհուն ու դստեր մորը՝ ռուս սուպերմոդել Իրինա Շեյքին հաջողվել է լուսանկարել Լոս Անջելեսում՝ դստերը գրկած։
Հիշեցնենք, որ աստղերի դուստրը՝ Լեա դե Սեյնը, ծնվել է 2017-ի մարտին։ Պապարացիները նկատել են 32-ամյա Իրինային, երբ նա ավտոկայանատեղիում դուրս էր գալիս ավտոմեքենայից, ու հասցրել են մի քանի լուսանկար անել։
Նկատենք, որ մեկ շաբաթ առաջ Իրինա Շեյքն Instagram-ում հրապարակել էր մի լուսանկար, որտեղ բիկինիով ու ամուսնական մատանիով էր։ Իրինայի բաժանորդները, իսկ նրանց թիվը շուրջ 10 մլն է, միանգամից սկսել են քննարկել՝ արդյոք մոդելը պաշտոնապես ամուսնացել է Բրեդլի Քուփերի հետ, թե ոչ, իսկ զույգը դեռ որևէ կերպ չի մեկնաբանել այդ լուրերը։
Աղբյուրը՝ Daily Mail
Լուսանկարները՝ The Imagedirect.com