Ջեյ Զին ու Բեյոնսեն Քիմ Քարդաշյանի նորածին դստերը 20 հազար դոլարանոց ադամանդյա ապարանջան են նվիրել
11:02 18 հունվարի, 2018Արդեն ամբողջ աշխարհը գիտի, որ Քիմ Քարդաշյանն ու Քանյե Ուեսթը երրորդ անգամ ծնող են դարձել։ Փոխնակ մայրը լույս աշխարհ է բերել աստղերի դստերը, ինչի մասին Քիմն է հայտնել իր կայքում։
Հաճելի նորություն էր նաև այն, որ Բեյոնսեն ու Քիմն, ըստ երևույթին, կհաշտվեն․ Ջեյ Զի -Բեյոնսե և Քիմ-Քանյե զույգերի հարաբերություններն արդեն երկու տարի է՝ լարված են, բայց Քիմի երեխայի ծնունդը, կարծես, հրաշալի առիթ է գժտություններին վերջ տալու համար։
Բրիտանական The Sun պարբերականը գրում է, որ Ջեյ Զին ու Բեյոնսեն Քիմ Քարդաշյանի նորածին դստերը Lorraine Schwartz ապրանքանիշի ադամանդյա ապարանջան են նվիրել, որը 20 հազար դոլար արժե։ Ապարանջանի վրա փորագրված է «երրորդ»։
«Բեյոնսեն ու Ջեյ Զին ուրախ են Քիմի ու Քանյեի համար։ Նրանք անհամբերությամբ սպասում են փոքրիկին տեսնելու հնարավորությանը ու արդեն նվեր են ուղարկել նրան, ինչը վկայում է այն մասին, որ նրանք ուզում են վերականգնել իրենց ընտանիքների միջև երբեմնի մտերմությունը։ Քանյեն յոթերորդ երկնքում է երջանկությունից, քանի որ միշտ Ջեյ Զիին իր ավագ եղբայրն է համարել»,- հայտնում է մոտ կանգնած աղբյուրը։
Հիշեցնենք, որ Ջեյ Զին ու Բեյոնսեն նույնպես երեք երեխա ունեն՝ վեցամյա Բլյու Այվին ու անցած տարի լույս աշխարհ եկած երկվորյակները՝ Սիրն ու Ռումին։