Հոլիվուդի ամենահայտնի «թիկնապահը»՝ Քեւին Քոսթներն, այսօր՝ հունվարի 18-ին, նշում է ծննդյան տարեդարձը: Ամերիկացի հայտնի դերասանը դարձավ 63 տարեկան: Օսկարակիր դերասանը նկարահանվել է մի շարք հայտնի ֆիլմերում, որոնցից են՝ «Թիկնապահը», «Անորսալիները», «Պարեր՝ գայլերի հետ», «Ռոբին Հուդ» եւ այլն:
NEWS.am STYLE-ը ներկայացնում է դերասանի ամենահայտնի մեջբերումներից մի քանիսը.
«Ես երբեք էլ կատարյալ կյանք չեմ ունեցել, շատ բաների համար եմ զղջում, բայց փորձում եմ հասկանալ այդ զղջումներս»:
«Ձախողումը ոչ թե սպանում է, այլ մեծացնում է մի բան ստեղծելու ցանկությունդ»:
«Ես չեմ հանձնվում, ես պայքարող եմ: Մարդիկ գալիս-գնում են, բայց ես մնում եմ իմ տեղում»:
«Ես երազանքների մեծ սիրահար եմ, բայց, ցավոք սրտի, մարդիկ ավելի շուտ մոռանում են իրենց երազանքները, քան ինչ-որ այլ բան այս իրականության մեջ»:
«Ես աշխատում եմ հանրության համար, այն մարդկանց համար, ովքեր կինոթատրոն գնալու տոմս են գնում: Ես ավելի շատ նրանց համար եմ աշխատում, քան քննադատների»:
«Ես միշտ էլ իմացել եմ, որ մի քիչ ոճից զուրկ եմ»:
«Կարծում եմ՝ մեր բարոյական պարտականությունը մեր սրտերին հետեւելն է»:
«Ֆիլմի հաջողությունը կամ անհաջողությունը միայն մի մարդու ուսերին ընկած չէ»:
«Եթե մարդ չի իմանում իր սահմանները, նա չի կարող հասնել հաջողության»:
«Ես սպասում եմ այնքան, մինչեւ աշխատեմ այնպիսի նախագծի շուրջ, որը հաջողության կհասնի»: