Եվա Ռիվասը շարունակում է սադրիչ հոլովակներ հրապարակել Instagram-ում: Վերջերս նա կրքոտ հոլովակ էր հրապարակել, որում համբույրներ էր ուղարկում, իսկ հիմա երգչուհին իր էջում տեղադրել է «Տնփեսա» սիթքոմից մի հատված, որտեղ նա դերակատարություն ունի եւ գրել.
«Կարծում եմ՝ հենց այսպիսին է լինելու իմ ապագա փեսացուի հոր ռեակցիան, երբ նա մեզ ծանոթացնի... մայրիկինը՝ նույնպես»:
Հիշեցնենք, որ Եվա Ռիվասն ավելի վաղ սկանդալային գրառում էր արել՝ նշելով.«2,5 տարի առաջ ես ինչ-որ բան մտածեցի իմ աշխատանքի հետ կապված, որի մասին ես երազում եմ 24 ժամ, արդեն՝ 2,5 տարի։ Դա մի բան է, որը պահանջում է ունենալ Ռուսաստանում ամենամեծ կապերն ու շատ գումար։ Ոչ մեկը, ոչ էլ մյուսը ես չունեմ։ Ես շատ ազդեցիկ ծանոթներ ունեմ, բայց չեմ սիրում նման կերպ հարցեր լուծել. դա միշտ կամ ֆիասկո է ենթադրում, կամ՝ դավաճանություն։
Հենց անկարողությունը՝ պառկել անհրաժեշտ անկողնում, ինձ զրկել է շատ բանից իմ կյանքում՝ այդ թվում եւ երգարվեստում արագ հաջողության հասնելուց։ Ինչ ափսոս, որ մայրս դրան ինձ չի սովորեցրել»։