Նախորդ շաբաթ NEWS.am STYLE-ը որոշեց խոսել մայրաքաղաքի հյուրերի հետ, այսինքն զբոսաշրջիկների, այն մասին, թե ինչն է նրանց Հայաստանում դուր գալիս, իսկ ինչը՝ ոչ: Իրանի, Ֆիլիպինների, Հնդկաստանի եւ Ռուսաստանի զբոսաշրջիկները ուրախանում էին հրաշալի եղանակի համար, դժգոհ էին, որ քիչ մարդիկ գիտեն անգլերեն, եւ որ պիցցայի չափը պետք է ավելի մեծ լինի)):
Հարցումը Facebook սոցիալական ցանցում բուռն արձագանք ունեցավ: Մեր էջում, ինչպես նաեւ NEWS.am-ի էջում, բազմաթիվ տարբեր բնույթի մեկնաբանություններ հայտնվեցին. ոմանք խորհուրդ էին տալիս զբոսաշրջիկներին հայերեն սովորել, մյուսները պաշտպանում էին մեր հյուրերի կարծիքները:
Մենք էլ որոշեցինք նորից շրջել քաղաքով եւ այս անգամ խոսել մեր համաքաղաքացիների հետ՝ Հայաստանում զբոսաշրջության զարգացման վերաբերյալ նրանց կարծիքն իմանալու համար: