Իսպանիայի հարկային ծառայությունը կոլումբիացի երգչուհի Շակիրային կասկածում է հարկերի չվճարման մեջ եւ բողոք է ներկայացրել դատախազություն:
La Razon-ի փոխանցմամբ՝ խոսքը 2011-ից 2014 թվականն ընկած ժամանակահատվածի մասին է, երբ երգչուհին սկսել է ապրել «Բարսելոնայի» պաշտպան Ժերար Պիկեի հետ: Շակիրան պետք է ինչպես Իսպանիայում, այնպես էլ արտերկրում ստացած եկամուտից հարկեր վճարեր:
Իսպանիայում գործող օրենքի համաձայն՝ Շակիրային սպառնում է տուգանք եւ երկու տարվա ազատազրկում:
Սակայն երգչուհու մտերիմները վստահ են, որ նա բարեխղճորեն կատարել է բոլոր հարկային պարտավորությունները: