Դատելով Instagram-ի էջում այսօր հրապարակված լուսանկարից Մայա Պողոսյանն իր ամուսնու և որդու հետ շարունակում է հանգստանալ Արաբական Միացյալ Էմիրություններում:
Մենք արդեն հրապարակել ենք նրա լուսանկարները Դուբայ քաղաքից, որոնցում երևում է, որ Մայան ձմեռային ամիսների ցուրտ և կարճ օրերը նախընտրում է անցկացնել ծովափնյա, արևոտ ու տաք երկրում՝ սուպերմարկետներում գնումներ կատարելով, լողափին արևային լոգանք ընդունելով և պարզապես զվարճանալով:
Այս անգամ նա որդու հետ լուսանկավել է Աբու Դաբիի Յաս կղզում տեղակայված Ferrari World Abu Dhabi թեմատիկ զվարճանքի հսկայական կենտրոնում՝ մարզական կարմիր և մոխրագույն «Ֆերարիի» խորապատկերին: Մեքենան ցուցադրվում է կենտրոնի՝ «Ֆերարի» մեքենաների աշխարհի ամենամեծ թանգարանում:
Ի դեպ, Ferrari World Abu Dhabi զվարճանքի կենտրոնը մոտ 7 ֆուտբոլային դաշտի մեծություն ունի: Այնտեղ ամենատարբեր ատրակցիոններից ու կարուսելներից բացի նաև խանութներ, ռեստորաններ, սրճարաններ, կինոթատրոն, թանգարաններ, անգամ մեքենավարման մանկական դպրոց է գործում: