Ռուս դերասանը պատմել է, թե ինչպես է Ալլա Պուգաչովան 1․6 մլն դոլար «շահել» խաղատանը

15:04   22 հունվարի, 2018

Ռուս դերասան Ստանիսլավ Սադալսկին անսովոր պատմություն է պատմել Ալլա Պուգաչովայի մասին։ Իր Instagram-ում դերասանը պատմել է, որ միջադեպը տեղի է ունեցել մոսկովյան խոշոր խաղատներից մեկում։ Սադալսկու խոսքով՝ Պուգաչովան այցելել է էլիտար հաստատության VIP սրահներից մեկն ու այնտեղ անցկացրել ամբողջ գիշերը։ Դերասանը պատմել է, որ երգչուհին իբրեւ խոշոր գումար էր պարտվել ու պարտքը մարելու հնարավորություն չուներ։ Այդ ժամանակ հաստատության կառավարիչները որոշել են կասկածելի գործարքի դիմել։

«Խաղատան սեփականատերերը նրան առաջարկել են «շահել». այսպիսով նրանք լավ ինքնագովազդ են արել, քանի որ բոլոր լրատվամիջոցները գրել են այդ մասին»,- գրել է նա։ Դրանից հետո հայտնվել են նորություններ, որ Պուգաչովան իբրեւ խաղային ավտոմատներով 1․6 մլն դոլար է շահել։

«Եթե նրանք պարզապես պատվիրեին նման գովազդ՝ շատ ավելի թանկ պետք է վճարեին»,- վստահ է Սադալսկին։ Պուգաչովան ինքը դեռ չի մեկնաբանում այդ տեղեկությունը։

Հիշեցնենք, որ մինչ այդ խաղատների հանդեպ Պուգաչովայի սիրո մասին պատմել էր նաեւ նրա ամուսինը՝ Մաքսիմ Գալկինը։

«Ես ինձ մոլախաղերի գերի չեմ համարում։ Ես ու Ալլան խաղատուն հաճախում էինք ոչ հանուն խաղի։ Խաղատան կից լինում են ակումբներ, որտեղ կարելի է հանգիստ շփվել»,- վստահեցնում էր Գալկինը։



© NEWS.am STYLE