Փարիզի Նորաձևության շաբաթ. Սինդի Քրոուֆորդի դուստրը՝ Chanel-ի շքեղ ցուցադրության պոդիումին
19:35 23 հունվարի, 2018Նորաձևության շաբաթը վերջապես դառնում է Նորաձևության շաբաթ, երբ գործի է անցնում Chanel-ը ու դրա հավերժ արդի նյութը՝ թվիդը, որն ամեն անգամ, կարծես, նորովի է մատուցվում՝ տարիների ընթացքում չհնանալով։
Կառլ Լագերֆելդը Փարիզում ներկայացրել է Chanel-ի գարուն/ամառ հավաքածուն, իսկ պոդիումով քայլել է վարպետի մուսան՝ Սինդի Քրոուֆորդի 16-ամյա դուստր Քայա Գերբերը։
Քայան եզրափակել է ցուցադրությունը «հարսնացուի» անսամբլով:
Բացի նրանից, պոդիումին քայլել է նաեւ Լագերֆելդի սանիկը՝ Հադսոն Կրոենիգը։
Ճիշտ է, դա պոդիում անվանել էլ չես կարող, քանի որ, ինչպես միշտ, Chanel-ը շատ յուրօրինակ վայր էր ընտրել ցուցադրության համար։ Ցուցադրությունն անցել է Մեծ պալատում՝ ճարտարապետական վեհաշուք կառույց, որը Ելիսեյան դաշտերի ձախ կողմում է գտնվում և հիմա մշակութային կենտրոնի դեր է կատարում։
Chanel-ի գարուն/ամառ 2018 սեզոնի հավաքածուն տեսնելու էին եկել Ռիտա Օրան, Սաշա Լուսը, Անա Ժիրարդոն եւ այլք։
Լուսանկարները՝ Getty