«Եթե անկեղծ՝ երբեք չեմ սիրահարվել». Զառա Մինասյանը՝ NEWS.am STYLE-ի «Առաջին անգամ» խորագրում

14:30   24 հունվարի, 2018

NEWS.am STYLE-ն իր ընթերցողներին ներկայացնում է «Առաջին անգամ» խորագիրը, որի նպատակն է բլից հարցման միջոցով հայտնիներից պարզել, թե երբ են առաջին անգամ սիրահարվել, սեր խոստովանել, հիասթափվել, հաջողության հասել եւ նման այլ հարցեր...

Մեր խորագրի այսօրվա հերոսուհին մոդել Զառա Մինասյանն է.

Ե՞րբ առաջին անգամ հասկացաք, որ պետք է լինեք մոդել:

Դեռ մանկուց եղել եմ շատ ակտիվ ու աչքի ընկնող երեխա: Դրսում ինձ հաճախ էին նկատում եւ առաջարկում մասնակցել գեղեցկության մրցույթների, եւ օրերից մի օր մայրիկս որոշեց ինձ տանել մոդելային դպրոց: Այդտեղից սկսվեց իմ մոդելային ուղին…

Ո՞ւմ եք առաջինը պատմում Ձեր կյանքում տեղի ունեցող նորությունները:

Առաջին հերթին՝ մայրիկիս, հետո՝ ընկերուհիներիս:

Առաջին անգամ ո՞ր տարիքում եք սիրահարվել:

Եթե անկեղծ՝ երբեք չեմ սիրահարվել: Ես, առհասարակ, շատ դժվար եմ սիրահարվում: Բայց հուսով եմ՝ կլինի այդ արժանի տղամարդն իմ կյանքում, որի շնորհիվ կզգամ «սեր» ասվածը:

Ե՞րբ են առաջին անգամ Ձեզ սեր խոստովանել:

15 տարեկան էի, երբ առաջին անգամ սեր խոստովանեցին ինձ:

Առաջին դեֆիլեն/ֆոտոշարքը:

Առաջին ֆոտոշարքս եւ դեֆիլեն եղել են այն ժամանակ, երբ 17 տարեկան էի՝ «Միսս լողափ» մրցույթի շրջանակներում, որտեղ ճանաչվեցի հաղթող: Շատ տպավորիչ եւ հիշարժան օր էր ինձ համար:

Առաջին հիասթափությունը...

Հիասթափություն ասվածը գլոբալ է. նայած՝ որտեղ…

Ձեր առաջին քայլերը կինոյում:

Առաջին անգամ գլխավոր դերով նկարահանվել եմ «Անծանոթը» հեռուստասերիալում:

Առաջին մեծ հաջողությունը:

Ինձ համար առաջին մեծ հաջողությունը եղել է Martini Royale քասթինգին մասնակցելը, երբ 300 մասնակիցներից ընտրվեցի որպես Հայաստանի ներկայացուցիչ: Մրցույթը տեղի ունեցավ Իբիցայում:

Սյունե Առաքելյան



© NEWS.am STYLE