Համացանցում են հայտնվել Էմիլի Ռատաժկովսկիի՝ մինչ այս չհրապարակված թոփլես լուսանկարները

13:31   26 հունվարի, 2018

Մոդել Էմիլի Ռատաժկովսկիի՝ մինչ այս չհրատարակված թոփլես լուսանկարները հայտնվել են լուսանկարիչ Ջոնաթան Լեդերի նոր գրքում։

Գրքում կան Էմիլի Ռատաժկովսկիի բազմաթիվ լուսնակարներ, որոնք 2012-ին են արվել։ Էմիլիին թոփլես լուսանկարել էին Նյու Յորքում՝ սովորական Polaroid տեսախցիկով:

Էմիլին բազմիցս հայտնել է, որ դեմ է այդ գրքի հրատարակմանը, քանի որ լուսանկարներն արվել էին մինչև Ռոբին Տիկի Blurred Lines տեսահոլովակի թողարկումը, որում նկարահանվելուց հետո Էմիլին նշանավոր է դարձել։ 26-ամյա մոդելը սոցցանցերում հայտնել է, որ գրքի հրատարակման համար թույլտվություն չի տվել, սակայն այն, այնուամենայնիվ, հրատարակվել է։

Գիրքը կոչվում է «Անհայտ Ռատաժկովսկի․ Լյուքս հրատարակչություն», եւ պարունակում է Էմիլիի մոտ հարյուր լուսանկար։ Էմիլին բազմիցս հայտնել է, որ դրանցից միայն հինգն է թույլատրել գործածել ֆոտոշարքի համար։

Իսկ Լեդերը հայտնել է, որ գրքի հրատարակումն ուրախացնում է իրեն.

«Ամեն դեպքում, ֆոտոշարքն ուրախ անցավ։ Մենք շատ էինք կատակում, խոսում մեր նորաձևության ինդուստրիայի մասին, կրեատիվ գործընթացի մասին, աշխատում մինչև ուշ երեկո։ Էմիլին շատ խելացի է ու նրա հետ հաճելի էր զրուցել։ Դա նրան առանձնացնում էր մյուս մոդելներից։ Մինչև նրա հետ աշխատելը, ես հինգ հարյուր մոդելների հետ աշխատելու փորձ ունեի։ Նրանցից ոչ մեկի հետ ես այդքան հաճույքով չեմ աշխատել»,- ասում է Լեդերը։

Աղբյուրը՝  Daily Mail

 



© NEWS.am STYLE