Նյու Յորքում կայացել է ԱՄՆ Ձայնագրման ազգային ակադեմիայի «Գրեմմի» հեղինակավոր մրցանակաբաշխության 60-րդ արարողությունը։ Արարողության հաղորդավարը Ջեյմս Քորդենն էր։ Նա մի քանի սքեթչ է ձայնագրել, որոնցից մեկը նվիրված էր Դոնալդ Թրամփին։
Տեսահոլովակում Շերը, Snoop Dogg-ը, Հիլարի Քլինթոնը, Ջոն Լեջենդը, DJ Khaled-ը ընթերցում են Մայքլ Վուլֆի «Կրակ ու բարկություն․ Դոնալդ Թրամփի աշխատակազմի ներսում» գիրքը։ Ըստ սյուժետի՝ նրանք անցնում են լսումներ, որպեսզի հաջորդ տարի պայքարեն «Լավագույն խոսակցական ալբոմ» անվանակարգում։
Տեսահոլովակի վերջում հայտնվում է Քլինթոնը։ Նա ընթերցում է հատված այն մասին, որ Թրամփը վախենում է թունավորվելուց, դրա համար էլ ֆասթ ֆուդ է ուտում։ Դրանից հետո կադրում հայտնվում է Քորդենն ու ասում, որ Քլինթոնն է լավագույնը ճանաչվել լսումների արդյունքներով։