«Կյանքում ամենամեծ արկածը քո երազած կյանքով ապրելն է». Օփրա Ուինֆրին նշում է 64-ամյակը
16:32 29 հունվարի, 2018Այսօր՝ հունվարի 29-ին, ծննդյան 64-ամյակն է նշում ամերիկացի հայտնի հաղորդավարուհի Օփրա Ուինֆրին: Նա The Oprah Winfrey հանրահայտ շոուի հաղորդավարուհին է եղել 1998-2011 թ-երի ընթացքում:
Վերջերս հատկապես քննարկվում է հաղորդավարուհու՝ 2020 թ-ի ԱՄՆ-ի նախագահական ընտրություններին հնարավոր թեկնածությունը, մինչդեռ Օփրայի ներկայացուցիչները ոչ մի հայտարարություն չեն արել այս թեմայով: Թե ինչ կլինի ապագայում, դժվար է կանխատեսել, սակայն հարկ է նշել, որ Օփրան աշխարհի ամենահարուստ մարդկանցից մեկն է: 2013 թ-ին հաղորդավարուհու ունեցվածքը գնահատվել է 2,8 միլիարդ դոլար:
Այսօր Օփրան ունի իր սեփական կինոստուդիան, նրան է պատկանում The Oprah Magazine ամսագիրը, ինչպես նաեւ համարվում է The Oprah Winfrey Network կաբելային հեռուստատեսության սեփականատերը:
NEWS.am STYLE-ը ձեր ուշադրությանն է ներկայացնում Օփրա Ուինֆրիի հայտնի մտքերից մի քանիսը.
«Կյանքում ամենամեծ արկածը քո երազած կյանքով ապրելն է»:
«Կիրքն էներգիա է: Զգա այն ուժը, որ ծնվում է քեզ ինչ-որ բանից հուզող զգացումից»:
«Որքան շատ ես օրհնում, տոնում եւ ուրախանում կյանքում, այնքան ավելի շատ բան ես ունենում տոնելու»:
«Քեզ շրջապատիր այնպիսի մարդկանցով, որոնք քեզ միայն բարձրացնելու են»:
«Այնտեղ, որտեղ չկա պայքար, չկա նաեւ ուժ»:
«Եթե այս պահին լավագույնն անես, հաջորդ պահին լավագույն դիրքում կլինես»:
«Դու դառնում ես այն, ինչին հավատում ես, ոչ թե մտածում կամ ցանկանում»:
«Քո վերքերը դարձրու իմաստություն»:
«Հետեւիր քո բնազդին: Հենց դրա մեջ է բնակվում իմաստությունը»:
«Եթե ցանկանում ես քեզ լավ զգալ, ապա դուրս եկ ու մի լավ բան արա»: