Ռոքսանա Բաբայանն առաջին հարցազրույցն է տվել Դերժավինի մահից հետո
11:33 30 հունվարի, 2018Դերասանի այրին անկեղծ հարցազրույց է տվել։ Հանգուցյալ ամուսնու մասին նա խոսում էր ջերմությամբ ու քնքշությամբ։
«Առայսօր չեմ հավատում, որ Միխայիլ Դերժավինը, բոլորի կողմից պաշտված Միխն այլևս մեզ հետ չէ։ Հանգուցյալների մասին ընդունված է միայն լավ բաներ ասել, բայց Դերժավինի դեպքում նույնիսկ ցանկության դեպքում ոչ ոք որևէ վատ բան չի ասի։
Իր բոլոր տաղանդներով հանդերձ՝ նա համեստ էր։ Երբեք չեմ տեսել, որ նա որևէ մեկին վիրավորի, նույնիսկ եթե պատահաբար որևէ բան ասի որևէ անծանոթի, թեկուզ դռնապանին, հարյուր անգամ ներողություն կխնդրեր»,- ասել է դերասանի այրին՝ Ռոքսանա Բաբայանը։
Բացի դրանից, նա առաջին անգամ է պատմել, թե այդ ինչ «ծանր հիվանդություն» էր ախտահարել իր սիրելի ամուսնուն, որի մասին մամուլն այդքան գրում էր։ «Երբ նա պառկեց հիվանդանոցում, ես հասկանում էի, որ նա սրտի հետ կապված խնդիրներ ունի, նա հիպերտոնիկ էր։ Իսկ դերասանների հետ գիտեք, թե ինչպես է ընդունված։ Նույնիսկ եթե ջերմաստիճանը 40 է կամ ճնշումն է շատ բարձրանում, ներկայացումները ոչ ոք չի հետաձգում, միևնույն է բոլորը գնում են հյուրախաղերի։ Նա շատ էր սիրում թատրոն ու հարգում էր իր հանդիսատեսին։ Իսկ այդ ամենը կուտակվելու սովորություն ունի։ Գումարած տարիքը ու բարդ 90-ականները, որոնք մենք վերապրել ենք» ,- հիշում է դերասանուհին։
Այսօր Ռոքսանան դեռ սաստիկ սգում է ամուսնու կորուստը. «Ամեն ինչ տեղի է ունենում Աստծու կամքով»,- հոգոց է քաշում նա։
Երգչուհին ասում է, որ ձգտել է Դերժավինի բոլոր օրերը լուսավոր դարձնել։ «Մարդու համար դա կարևոր է՝ մնալ այդ հոգևոր տարածքում, որպեսզի հեռանալուց հետո նրան բարի խոսքով հիշեն։ Ես հաճախ էի նրան ասում․ «Սիրում եմ քեզ, թանկագինս»,- մեջբերում է Բաբայանը։