Քիմ Քարդաշյանի կերպարով Փերիս Հիլթոնն ու այլ մոդելներ՝ Քանյե Ուեսթի նոր հավաքածուի կրեատիվ գովազդարշավում

Այ սա արդեն սուպերմարկետինգային քայլ է։ Քանյե Ուեսթը պարզապես հանճար է։ Բոլորովին վերջերս ավարտվեց փարիզյան Նորաձեւության շաբաթը, ու ձեզնից ո՞վ է որևէ բան հիշում դրա մասին։ Իզուր չէ, որ Քանյե Ուեսթը բազմիցս հայտնել է, որ Նորաձեւության շաբաթվա կոնցեպտը, հենց բուն նորաձևության կոնցեպտը արդեն սպառել է իրեն, ու որ իր նման նորարարներն են որոշելու այդ ոլորտի ապագան։ Ու նա իրավացի է։ Հայտնի է, որ Քարդաշյան- Ջեներ գերդաստանը, իսկ Քիմը՝ փաստացի միշտ, հանրությանը ներկայանում են Քանյեի արտադրանքով։ Ու դրանից լավ գովազդ ու փողոցից կամ գործնական հանդիպումներից ավելի լավ պոդիում, իհարկե, հնարավոր չէ գտնել։

Քանյեն այսօր թողարկել է իր նոր արտադրանքը՝ YEEZY SEASON 6 հավաքածուն, իսկ որպես պոդիում ընտրել է Լոս Անջելեսի փողոցները (այնտեղ, որտեղ Քիմը հաճախ է հայտնվում պապարացիների տեսադաշտում)։ Ընդ որում՝ Քանյեի հավաքածուն ներկայացրել են այնպիսի մոդելներ, որոնք հայտնի չեն լայն հանրությանը (բացառությամբ Փերիս Հիլթոնի), իսկ մամուլի դերը կատարել է Instagram-ը, որտեղ հենց այդ աղջիկներն էլ հրապարակել են իրենց լուսանկարները։

Թե ինչ է այս պահին կատարվում Քիմի Twitter--ում ՝ պարզապես հնարավոր չէ նկարագրել։

Օգտատերերը կատակում են, որ «Քանյեն Նորաձևության շաբաթվա կարիք չունի, իսկ Նորաձևության շաբաթները Քանյեի կարիքն ունեն»։