Այսօր՝ փետրվարի 3-ին, իր ծննդյան 40-ամյակն է նշում հայերի կողմից ամենասիրված փաստաբաններից մեկը՝ հոլիվուդյան աստղ Ջորջ Քլունիի հմայիչ ու ոճային կինը՝ Ամալ Քլունին:
Նրա հայտնի հաճախորդներն են Ջուլիան Ասանժը, Յուլիա Տիմոշենկոն եւ լրագրող Մուհամեդ Ֆեհմին:
Ի դեպ, ինչպես հայտնի է՝ Հայոց ցեղասպանության ժխտման վերաբերյալ Մարդու իրավունքների եվրոպական դատարանում քննվող «Փերինչեքն ընդդեմ Շվեյցարիայի» գործում հայտնի իրավաբանը ներկայացրել է Հայաստանի շահերը: Ամալը մեղադրել է Թուրքիայի կառավարությանը խոսքի ազատության հարցում երեսպաշտության մեջ:
Այս կինը հիացմունքի է արժանանում իր հմայքի եւ խելքի շնորհիվ: Իսկ նրա համար առաջին երկրպագուն ամուսինն է՝ Ջորջ Քլունին: Նա բազմիցս է հիացմունքով արտահայտվել իր բանիմաց տիկնոջ մասին: «Նա այն միակն է, որի հետ ես պատրաստ եմ անցկացնել մի ամբողջ օր եւ շարունակ կարող եմ հիանալ նրա ամեն մի ասածով եւ արածով»,-մի առիթով ասել է դերասանը:
Այսօր առաջարկում ենք ընթերցել Ամալ Քլունիի ամենաազդեցիկ մտքերից մի քանիսը:
«Առաջին խորհուրդը, որը ձեռք եմ բերել իմ փորձից այն է, որ յուրաքանչյուր կառավորություն պետք է կարեւորի մարդու իրավունքները»:
«Ազատ խոսքը պահպանելը միայն սկզբունք չէ, այլ առօրյայի գլխավոր նախապայման»:
«Իմ անունը թարգմանաբար նշանակում է «հույս», իսկ ես ծնվել եմ այն շրջանում, երբ Լիբանանում պատերազմ էր ընթանում»:
«Եթե չունես կարեւոր ասելիք, ապա պետք չէ իզուր այն տարածել եւ հանրաճանաչ դարձնել, դա քեզ առաջ չի տանի»:
«Իմ գործերից շատերն արվում են փակ դռների ներքո, որոնք երբեւէ չեն բացվում»:
«Եթե դու իրավաբան ես եւ ցանկանում ես հեշտ գործեր վերցնել, ապա վերցրու ոտնձգություններն ու բռնությունները: Ավելի մեծ հաջողություն կունենաս ու ավելի հեշտ կքնես գիշերը, բայց դա իմ մասին չէ»:
«Ես հավատում եմ միջազգային արդարադատությանը: Ես հավատում եմ, որ մարդն ուղղակի չի կարող անտարբեր անցնել՝ անտեսելով այն մարդկանց, որոնց խոսքը հաշվի չեն առնում»:
«Ուզում եմ աշխատել այնպիսի գործերի շուրջ, որոնք մեծ խանդավառությամբ կուսումնասիրեմ»:
Լուսանկարները՝ CNN.com, Bollywoodlife.com, Businesswire.com