Միլա Յովովիչը կնկարահանվի ֆանտաստիկ սարսափ ֆիլմում
17:35 7 փետրվարի, 2018Ոչ, սա «Չարիքի ապաստանը» չէ։ Հիասքանչ, տաղանդավոր ու հոյակապ Միլա Յովովիչը նկարահանվելու է նոր ֆանտաստիկ մարտաֆիլմում։
42-ամյա դերասանուհին, ի ուրախություն իր երկրպագուների, համաձայնել է նկարահանվել «Կոլիբրի» ֆիլմում, որը պատմում է ցնցող ինքնագիտակցման ճանապարհին գտնվող մարդասպան կնոջ մասին՝ «Լյուսի» մարտաֆիլմի ու Ջեյսոն Բորնի մասին ֆիլմերի ոճով, հայտնում է Deadline-ը։
Ավելի վաղ ֆիլմում պետք է նկարահանվեր Օլիվիա Մանը, բայց հիմա նրան փոխարինելու է Յովովիչը։ Ֆիլմի աշխատակազմին է միանալու նաև դերասանուհու ամուսինը՝ ռեժիսոր, սցենարի հեղինակ ու պրոդյուսեր Փոլ Ուիլյամ Սքոթ Անդերսոնը («Չարիքի ապաստան»)։ Նա զբաղվելու է «Կոլիբրի» ֆիլմի սցենարով։
Յովովիչը վերջերս է ավարտել նկարահանումները նոր՝ «Հելբոյ» ֆիլմում։ Նրան կարելի է նաև տեսնել «Ցնցում ու հուզում» քաղաքական դրամայում, որտեղ նկարահանվել են նաև Վուդի Հարելսոնն ու Թոմմի Լի Ջոնսը։
Լուսանկարները՝ digitaltrends.com-ի