Մայիսի 19-ին կայանալու է 36-ամյա Մեգան Մարքլի ու 33-ամյա արքայազն Հարիի հարսանիքը։ Հայտնի է դարձել Մեգան Մարքլի հարսանեկան զգեստի դիզայների անունը։ Hellomagazine.com-ը գրում է, որ ամերիկացի դերասանուհին արդեն ընտրել է իր հարսանեկան զգեստի դիզայներին։
Լոնդոնցի ոճաբանների շրջանում լուրեր են պտտվում, որ Մեգանի ընտրությունը կանգ է առել սիցիլիական արմատներ ունեցող 50-ամյա դիզայներ Անտոնիո Բերարդիի վրա։
Մեգան Մարքլը բազմիցս հանրությանը ներկայացել է Բերարդիի զգեստներով, որոնք միշտ շատ կանացի են ու հոյակապ կտորներից են կարված։
Անտոնիոն արդեն սկսել է աշխատել գալիք հարսանեկան արարողության գլխավոր զգեստը ստեղծելու ուղղությամբ։ Անտոնիոյի ծնողները ներգաղթել են Մեծ Բրիտանիա 1950-ականներին։ Ապագա մոդելյերը ծնվել է Գրենթեմում ու սովորել Saint Martins-ում: