Ալեքսանդր Սերովն առաջին անգամ պատմել է իր մահացած երեխայի մասին
13:27 10 փետրվարի, 2018Երգիչ Ալեքսանդր Սերովն առաջին անգամ է պատմել իր մահացած երեխայի մասին, գրում է «ԿՊ»-ն։ 63-ամյա երգիչը Անդրեյ Մալախովի «Ուղիղ եթեր» շոուի ժամանակ շարունակում է անկեղծանալ իր անձնական կյանքի մասին։ Մեկ ամիս առաջ նա հրաժարվել էր իր արտաամուսնական դուստրերից մեկից, իսկ օրերս ընդունել է մեկ այլ աղջկա հայրությունն ու նույնիսկ ԴՆԹ թեստ հանձնել՝ հայրությունն ապացուցելու համար։ Բացի դրանից, երգիչն առաջին անգամ պատմել է, թե ինչպես է շատ տարիներ առաջ կոցրել իր երեխային։
1993-ին մարմնամարզուհի Ելենա Ստեբնեւայի հետ ամուսնությունից ծնվել էր երգչի դուստրը՝ Միշելը։ Բայց միայն ամենամտերիմ մարդիկ գիտեին, որ Միշելն այդ զույգի երկրորդ երեխան էր։
«Սա, իհարկե, տխուր պատմություն է։ Առաջին անգամ Լենան ծննդաբերել էր դրանից մեկուկես տարի առաջ,- պատմել է երգիչը,- Ես այն ժամանակ հյուրախաղերի էի։ Իսկ իմ ադմինիստրատոր Դիմա Գալիխինը մեր տանն էր։ Ես նրան խնդրել էի՝ «Դիմկա, դու իմ փոխարեն նրա կողքին մնա»։ Դե, հնարավոր չէր հուրախաղերը չեղարկել։ Նա հետո զանգահարեց ու ասաց․ «Ծննդաբերել է, բայց հասկանում ես, մի արատ կա»։ Պարզվում է, որ երեխան չուներ աջ ձեռքի դաստակ, այն շատ թույլ էր։ Ես սկսեցի զանգահարել բժիշկներին, պարզել՝ արդյոք հնարավոր է դաստակը փոխպատվաստել։ Ինձ ասացին ՝ «Միայն պրոթեզ»։ Իսկ երբ ես ծննդատուն գնացի, արդեն ուշ էր։ Երեխան մահացել էր։ Ասում են, որ նա կարող էր հիվանդ ծնվել, քանի որ հարազատ մայրը փորձել էր ազատվել նրանից՝ գուցե թունավորել էր ինչ-որ բանով»։
Սերովի խոսքով՝ իր ականջին խոսակցություններ էին հասել, որ այդ երեխան իբրեւ իրենը չէր, ու կինը չէր ուզում, որ երեխան լույս աշխարհ գար։