NEWS.am STYLE-ն իր ընթերցողներին է ներկայացնում «Առաջին անգամ» խորագիրը, որի նպատակն է հարցերի միջոցով պարզել, թե երբ են մեր հայտնիներն առաջին անգամ սիրահարվել, սեր խոստովանել, հիասթափվել եւ այլն:
Մեր խորագրի այսօրվա հերոսուհին դերասանուհի Լուիզա Կարապետյանն է:
Ե՞րբ առաջին անգամ հասկացաք, որ պետք է դառնաք դերասանուհի:
Երբ հասկացա, որ եկել է ժամանակը երազանքներիցս ամենագլխավորը կյանքի կոչելու :)
Ո՞ւմ եք առաջինը պատմում Ձեր կյանքում տեղի ունեցող նորությունները:
Կյանքիս նորությունները պատմում եմ կյանքիս հնություններին :)
Առաջին անգամ ո՞ր տարիքում եք սիրահարվել:
Երբ դպրոցական տարիքում ընթերցում էի Շիրվանզադեի «Քաոսը», սիրահարվել էի Միքայելին :)
Ե՞րբ եք առաջին անգամ սեր խոստովանել:
Թող դա լինի իմ ու նրա գաղտնիքը…
Ե՞րբ են առաջին անգամ Ձեզ սեր խոստովանել:
Թող դա լինի նրա ու իմ գաղտնիքը :)
Առաջին հիասթափությունը...
Երբ դու ունես բոլոր գույներով մատիտներ եւ փորձում ես նկարել քո երազանքների մոլորակը, իսկ քեզ թվացյալ բարին, որում իրականում դեւն է ապրում, վերցնում է սեւ մատիտը եւ փչացնում ամբողջ կտավը: Ցավալի է, որ միշտ նկարդ փչացնողը լինում է հենց այն մարդը, որին առաջինն ես թույլ տալիս մտնել քո մոլորակ:
Ձեզ հանդիպած առաջին դժվարությունը: Ինչպե՞ս եք այն հաղթահարել:
Առաջին դժվարությունն այն է, երբ գիտակցում ես, որ քո երեւակայան աշխարհը չի համապատասխանում իրականությանը եւ քո երեւակայությունից ազատվելու համար պետք անցնես բազում դժվարությունների միջով:
Նկարահանվելու առաջին առաջարկը:
Ուսանողական տարիներին էին, որոնք չէի կարող ընդունել:
Առաջին մեծ հաջողությունը:
Առաջին հաջողությունս հայ ծնվելն է, քրիստոնյա լինելս:
Ձեզ համար առաջնային է...
Սերը…
Սյունե Առաքելյան
Լուսանկարները՝ Լուիզա Կարապետյանի Facebook-ի էջից