«Մեզնից յուրաքանչյուրում ապրում է առնվազն երկու անձնավորություն, որոնք ամեն վայրկյան պայքարում են իրար դեմ». VARDA

13:23   12 փետրվարի, 2018

VARDA-ն, ինչպես միշտ, շատ ակտիվ է սոցցանցերում։ Պարուհին մշտապես իր կարծիքն է արտահայտում տարբեր իրավիճակների վերաբերյալ։

Եվ այսպես, այս անգամ պարուհին իր Instagram-ում հրապարակել է հետեւյալ լուսանկարն ու գրառումը․

«Այնքան տարօրինակ զգացողություն է, երբ լինզաներով եմ։ Չգիտեմ ինչու, բայց ինձ թվում է, որ ես անտեսանելի գլխարկ եմ հագել․․․ Չեմ կարողանում բացատրել, ասես ոչ թե ես եմ, այլ մեկ ուրիշը․․․ Ու այդ մեկ ուրիշն ավելի չար է, ավելի ցինիկ ու սառնասիրտ, բայց փափուկ խաղալիքները կարող են անգամ սառցե սիրտը հալեցնել, բացի դրանից՝ իմ ժպիտը լրիվ զինաթափեց նրան․․․ Մինչդեռ մեզից յուրաքանչյուրում ապրում է առնվազն երկու անձնավորություն, որոնք ամեն վայրկյան պայքարում են իրար դեմ։ Մեկը բղավում է՝ «Մազերդ կտրիր», իսկ մյուսը՝ «Չհամարձակվե՛ս»։ Մեկը հպարտ է, մյուսն անընդհատ ներողություն է խնդրում, նույնիսկ երբ ոչնչի համար մեղավոր չէ․․․»,- գրել է հայուհին։



© NEWS.am STYLE