Բոյֆրենդը լքել է «Дом 2» հեռուստանախագծի աստղին՝ իմանալով, որ նա էսկորտ ծառայությունում է աշխատել
10:08 13 փետրվարի, 2018Մենք ձեզ արդեն հայտնել ենք, որ «Дом 2»-ի հերթական աստղը նախկինում էսկորտ ծառայությունում է աշխատել։ Սկանդալային ռուսական նախագծի հայտնի մասնակիցներից մեկը՝ Մարգո Օվսյաննիկովան, թեստ է անցել ստի դետեկտորով, ու պարզվել է, որ նա նախկինում իրոք զբաղվել է էսկորտ ծառայություններ մատուցելով։ Ըստ դետեկտորի՝ գեղեցկուհին փողի դիմաց էր սեքսով զբաղվում։
Հենց այդ միջոցներով էլ նա գնել էր իր բնակարանն ու մեքենան, նաև մի շարք կոսմետոլոգիական պրոցեդուրաներ արել։ Երբ բացահայտվել են նոր տվյալները, Մարգոն ամեն ինչ խոստովանել է ու ասել, որ, անկախ ամեն ինչից, ուզում է շարունակել հարաբերությունները շոուի մասնակից Սայմոն Մարդանշինի հետ։ Սակայն Մարդանշինը պատրաստ չէ մնալ Օվսյաննիկովայի հետ։
Ռեալիթի շոու մասնակիցը մեկնաբանել է տեղեկությունն այն մասին, որ իր սիրեցյալ Մարգո Օվսյաննիկովան նախկինում էսկորտում է աշխատել։ Տղամարդը զայրացել է ու աղջկան մեղադրել երեսպաշտության ու ստի մեջ։
«Դետեկտորից հետո ես նրանից լրիվ հիասթափվեցի։ Հավանաբար խնդիրը ոչ միայն նրա անցյալն է, այլև այն, թե որքան երեսպաշտորեն էր նա դիմակ կրում ու ձևանում։ Նա միշտ ասում էր, որ ես լսում եմ բոլորին, իսկ իրեն չեմ հավատում։ Այդ պահին ես հավատացի նրան ու մտածեցի, որ եթե պարզվի, որ դա սուտ է, ուրեմն պետք է վերջ տալ բոլոր այդ լուրերին։ Իսկ արդյունքում․․․ Կատարյալ երեսպաշտություն, սուտ, ինչպիսին ես վաղուց չէի տեսել»,- մեջբերում է զայրացած Սայմոնին «Дом-2Life» պարբերականը։
«Ինչպես միշտ ես թաքցնում եմ իմ իսկական զգացմունքները, ժպտում եմ ձեզ, ես այդպիսին եմ։ Փորձում եմ լինել ուժեղ, իսկ հոգում այնքան թույլ եմ ես հիմա։ Բայց դուք անգամ չեք կարող պատկերացնել, թե ինչ է կատարվում իմ հոգում։ Ու ինչ բարդ է ինձ համար։
Այո, դա եղել է իմ կյանքում ու այնքան ցավալի է, որ իմ ամենամտերիմ մարդն այդպես է արձագանքել ու չի աջակցել ինձ այս բարդ պահին․․․Մինչդեռ ասում էր, որ ընդունում է ինձ», - իր հերթին հայտնել է աղջիկը։