Նյու Յորքի նորաձեւության շաբաթ. Սելենա Գոմեսը՝ Coach 1941-ի ցուցադրությանը
11:37 14 փետրվարի, 2018Նյու Յորքում նորաձեւության շաբաթվա շրջանակում տեղի է ունեցել Coach 1941 ցուցադրությունը։ Միանգամից նշենք, որ Նորաձեւության շաբաթը, չնայած հանրահայտ նորաձեւության տների բարձր անուններին, ընդհանուր առմամբ ձանձրալի է անցնում, ու քննադատները նկատում են, որ Քանյե Ուեսթի հավաքածուի ցուցադրության բացակայությունից միջոցառման կազմակերպիչներն ամենեւին էլ չեն շահել։
Ամեն դեպքում, վերադառնանք ցուցադրությանը, որի հանդեպ հետաքրքրություն է ապահովել նախ շքեղ անսամբլով հայտնված Սելենա Գոմեսը, չնայած երգչուհին եկել էր առանց իր բոյֆրենդ Ջասթին Բիբերի։
Ի դեպ, Սելենան ապրանքանիշի դեսպանն է։
Դե, իսկ պոդիումին նորաձեւության շաբաթների մուսան՝ Սինդի Քրոուֆորդի 16-ամյա դուստր Քայա Գերբերն էր։
Հավաքածուի թեման կովբոյական մոտիվներն ու 1970-ականների ոճն են՝ ապրանքանիշի կրեատիվ տնօրեն Սթյուարտ Վեւերսի նոր ընկալմամբ ու մատուցմամբ։
Աղբյուրը՝ Daily Mail
Լուսանկարները՝ Getty