Ինչպես հաղթահարել մենությունը
15:38 15 փետրվարի, 2018Նախքան խոսելն այն մասին, թե ինչպես ազատվել միայնությունից, պետք է հասկանանք դրա պատճառը։ Ոչ, պատճառն այն չէ, որ ձեզ ինչ–որ մեկը լքել է, այլ այն, որ դուք վստահ եք, որ միայնակ եք, որովհետեւ ձեզ հետ մի բան այն չէ, իսկ մյուսների հետ ամեն բան կարգին է։
Դուք հավատում եք դրան, եւ դա ձեր նկատմամբ բացասական վերաբերմունք է առաջացնում։ Մենք այդպես ենք ստեղծված, որ հակված ենք ինքնաքննադատության օրը 24 ժամ շարունակ։
Այդ պատճառով, եթե ավելի լավ ուսումնասիրեք միայնության զգացումը, ապա կպարզվի, որ դա ոչ միայն պարզապես «ես զույգ չունեմ, եւ ինձ ոչ ոք չի սիրում»–ն է։ Դա ավելի վատ է։ Դուք ձեր ներսում ձեր հանդեպ ճիշտ վերաբերմունք չեք ձեւավորում։
Ուստի երբ մենք հավատում ենք, որ մեր միայնության պատճառն այն է, որ մեզ հետ ինչ–որ բան այն չէ, մենք երբեք դրանից չենք ազատվի։
Եթե շարժվենք բուդդայական իմաստությամբ, ապա պետք է ուշադրությունը կենտրոնացնել ոչ թե պռոյեկցիայի, այլ պռոյեկտորի վրա։ Այսինքն՝ ոչ թե նրան, թե ինչու եմ ես միայնակ, այլ նրան, թե ով է այդ բացասական զգացողությունը ստեղծում, այսինքն՝ ձեզ վրա։ Դուք գիտեք, որ միայնություն հնարավոր է զգալ նաեւ մարդկանց բազմության մեջ։ Ուստի՝
Բավական է կենտրոնանաք միայնության բացասական զգացմունքների վրա։
Բավական է պախարակեք ձեզ եւ մտածեք, թե ձեզ մոտ մի բան այն չէ։
Ինքներդ ձեր ներսում հասկացեք, որ դուք շատ բանի եք արժանի։
Եվ երբ ձեզ համակում է մենության զգացումը, հիշեք նախորդ կետը։
Ձեզ տեղը մի երեխայի պատկերացրեք։ Մի՞թե նա ամենալավին չէ արժանի։ Մի՞թե դուք, երեխային միայնակ տեսնելով, մտածում եք, որ նրա հետ մի բան այն չէ, եւ նա դա վաստակել է։ Դժվար թե։ Բայց դուք նույն բանն ասում եք ձեր մասին, երբ վստահեցնում եք, թե վաստակել եք միայնությունը։
Աղբյուրը՝ Soulpost