«Փոքր տարիքում շատերին էի սեր խոստովանում». Բորիս Բաղդասարովը՝ NEWS.am STYLE-ի «Առաջին անգամ» խորագրում

13:36   17 փետրվարի, 2018

NEWS.am STYLE-ն իր ընթերցողներին է ներկայացնում «Առաջին անգամ» խորագիրը, որի նպատակն է հարցերի միջոցով պարզել, թե երբ են մեր հայտնիներն առաջին անգամ սիրահարվել, սեր խոստովանել, հիասթափվել եւ այլն: 

Մեր խորագրի այսօրվա հերոսը «Ազիզյանները» սիթքոմում Ազատին մարմնավորող դերասան  Բորիս Բաղդասարովն է: 

Ե՞րբ առաջին անգամ հասկացաք, որ պետք է դառնաք դերասան:

Ես դա միշտ գիտեի:

Ո՞ւմ եք առաջինը պատմում Ձեր կյանքում տեղի ունեցող նորությունները:

Առաջնահերթ կիսվում եմ ընտանիքիս հետ:

Առաջին անգամ ո՞ր տարիքում եք սիրահարվել:

Ճիշտն ասած՝ չեմ հիշում, երեւի՝ 12-13 տարեկանում:

Ե՞րբ եք առաջին անգամ սեր խոստովանել:

Էլի չեմ հիշում: Ես փոքր տարիքում շատերին էի սեր խոստովանում :)

Ե՞րբ են առաջին անգամ Ձեզ սեր խոստովանել:

Այդպիսի դեպք չեմ հիշում:

Առաջին հիասթափությունը...

Առաջինը չգիտեմ, բայց ես շատ եմ հիասթափվում կեղծավոր մարդկանցից:

Ձեզ հանդիպած առաջին դժվարությունը: Ինչպե՞ս եք այն հաղթահարել:

Երբ հաղթահարում եմ իմ ալարկոտությունը :)

Նկարահանվելու առաջին առաջարկը:

Եթե խոսքը լուրջ նախագծի մասին է, ապա՝ «Ազիզյանները»:

Առաջին մեծ հաջողությունը:

Երբ փոխեցի աշխարհայացքս:

Ձեզ համար առաջնային է...

Անիմաստ կյանք չանցկացնելը…

Սյունե Առաքելյան

Լուսանկարները՝ Բորիս Բաղդասարովի Facebook-ի էջից



© NEWS.am STYLE