Բենիսիո դել Տորոն նշում է 51-ամյակը. նրա մասնակցությամբ 5 ֆիլմ, որոնք արժե դիտել
17:35 19 փետրվարի, 2018Հոլիվուդի ամենահայտնի պուերտոռիկացին՝ Բենիսիո դել Տորոն, այսօր՝ փետրվարի 19-ին, նշում է ծննդյան 51-ամյակը:
Ինքնատիպ արտաքինով հմայիչ դերասանը նկարահանվել սկսել է 1980-ականներից, իսկ առաջին փոքրիկ դերը եղել է «Մայամիի ոստիկանությունը» հեռուստասերիալում, որից հետո նա նկարահանվել է Մադոննայի La Isla Bonita տեսահոլովակում:
1989 թ-ին դերասանին առաջարկում են նկարահանվել Ջեյմս Բոնդի մասին պատմող հերթական ֆիլմաշարում, որը կոչվում էր «Սպանության իրավունք», որտեղ նա մարմնավորում էր գլխավոր չարագործի թիկնապահին:
Նա նկարահանվել է նաեւ «Փախչող հնդկացին», «Անվճար փողեր», «Անվախը», «Ֆոսֆորային լուսինը» եւ «Շնաձկների շրջապատում» կինոնկարներում:
Այսօր առաջարկում ենք դիտել դերասանի մասնակցությամբ ամենահայտնի ֆիլմերից հինգը:
«Մարդագայլը»/The Wolfman
«Մեղքերի քաղաքը»/Sin City
«Մարդասպանը»/Sicario
«21 գրամ»/21 Grams
«Թրաֆիք»/Traffic
Լուսանկարը՝ The Daily Beast