Ինչպես է Snoop Dogg-ն անծանոթ կնոջ մեքենան հրել Քալիֆորնիայի մայրուղու վրա
17:04 21 փետրվարի, 2018Եթե ապրում եք Քալիֆորնիայում՝ Ձեզ հետ էլ կարող է նման բան տեղի ունենալ։ Ոմն Կատրինա Գրեհեմ այս հանգստյան օրերին իր մեքենան էր վարում քալիֆորնիական Ռիվերսայդի մայրուղու վրա, մեկ էլ հանկարծ մեքենան փչացել է ու կանգնել հենց մայրուղու մեջտեղում։
Կինը զանգահարել է իր եղբորը, որպեսզի նա օգնության հասնի, ու որոշել է մինչև նրա գալը մեքենայից դուրս չգալ։ Մեկ էլ հանկարծ ինչ-որ մեկը թակել է նրա մեքենայի պատուհանը։
TMZ-ի փոխանցմամբ՝ Կատրինան իջեցրել է ապակին ու շատ զարմացել՝ իր առաջ տեսնելով հայտնի ռեփեր Snoop Dogg-ին։
Երաժիշտն աղջկան առաջարկել է իր օգնությունն ու սկսել մեքենան հրել դեպի ճամփեզր, քանի որ այն հենց մայրուղու մեջտեղում էր կանգնած։ Դրանից հետո ռեփերը լուսանկարվել է աղջկա հետ ու գնացել իր գործերով (ռեփերը գնում էր դիտելու NBA բոլոր աստղերի խաղը)։