Մեգան Մարքլը եւ արքայազն Հարին անհայտ ծագմամբ ծրար են ստացել
00:31 23 փետրվարի, 2018Մեգան Մարքլի և արքայազն Հարիի առաջիկա հարսանիքը, ըստ երևույթին, ոչ բոլորին է դուր գալիս։ Ապագա ամուսիններին փոստով ուղարկված վտանգավոր առաքանիի մասին է հայտնել Evening Standard-ը:
Լրատվամիջացի փոխանցմամբ՝ խոսքը սպիտակ փոշիով ծրարի մասին է, որն ուղակվել է զույգին՝ Քենսինգթոնյան պալատ։ Ծրարը չի հասցրել ընկնել Մեգան Մարքլի և արքայազն Հարիի ձեռքը: Այն վերցվել է անվտանգության աշխատակիցների կողմից:
Չնայած ծրարն ուսումնասիրող մասնագետների եզրակացությամբ այն որևէ վտանգ չի ներկայացնում իրենից, այդուհանդերձ ոստիկանությունը հետաքննություն է սկսել:
Զույգը տեղեկացվել է կատարվածի մասին:
Արևմտյան լրատվամիջացները նշում են, որ նման դեպքերը վերջին ժամանակներս հաճախակիացել են:
Ոչ վաղ անցյալում ԱՄՆ-ի ներկայիս նախագահ Դոնալդ Թրամփի որդուն և ԱՄՆ նախկին նախագահ Բարաք Օբամային նույնական այս բովանդակությամբ նամակներ են ուղարկվել: