Ինքնաթիռի ուղեկցորդուհու դիտողությունը ստիպեց կնոջը նիհարել 35 կիլոգրամով (ֆոտո)
18:36 24 փետրվարի, 2018Երեք երեխաների մայր Քայլա Մարտինը պատրաստվում էր իր կյանքի ամենահիշարժան ճանապարհորդություններից մեկին՝ դեպի արեւային Քվինսլենդ, սակայն այն, ինչ պատահեց ինքնաթիռում, ամբողջությամբ փոխեց նրա կենսակերպը:
Բանն այն է, որ Քայլան ավելորդ քաշի պատճառով շատ ծանր էր կշռում: Երբ նա նստեց ինքնաթիռ՝ փորձելով ամրացնել անվտանգության գոտիները, ուղեկցորդուհին սկզբում նրան ասաց, որ լրացուցիչ ամրագոտու անհրաժեշտություն կա, քանի որ նա շատ ծանր է կշռում, իսկ ավելի ուշ հավելեց, որ Քայլան իր եւ մյուս ուղեւորների անվտանգության համար պետք է առանձին նստի եւ զբաղեցնի երկու նստատեղ:
Այս խոսքերից կինը շատ է ազդվում եւ որոշում մի լուծում գտնել ավելորդ քաշի դեմ, որպեսզի այլեւս չդառնա ծաղրական մեկնաբանությունների զոհ:
«Ահավորն այն էր, որ ուղեկցորդուհին ինքնաթիռի լռության մեջ բարձրաձայնեց իմ՝ քաշի հետ կապված խնդիրը: Ես ամաչեցի այդ խոսքերից: Փատորեն, ես ինձ այնքան քիչ էի սիրում, որ թույլ տվեցի ուղեկցորդուհուն այդպես արտահայտվել իմ մասին»:
Ճիշտ է՝ մեկնաբանությունները վիրավորեցին Քայլային, բայց նաեւ խթան հանդիսացան, որպեսզի նա ինչ-որ բան փոխի իր մեջ: Այդպիսով, Քայլան փոխեց իր ապրելակերպն ու նիհարեց 35 կգ-ով:
Այժմ նրա Instagram-ում տեղադրված են մի շարք լուսանկարներ, որոնց միջոցով նա փորձում է ցույց տալ, թե ինչպես է մարզվում՝ քաշը պահպանելու համար:
«Անկախ նրանից, թե ինչ չափսի ու գույնի եք, սիրեք ձեզ եւ իմացեք, որ ոչ ոք ձեզանից առավել կամ պակաս չէ: Ապրեք ինքներդ ձեզ համար»,-խորհուրդ է տալիս նա:
Աղբյուրը` Mirror.co.uk