Անջլինա Ջոլին անում է ամեն բան, որ Բրեդ Փիթի հետ բաժանությունից հետո լրացնի կյանքի դատարկությունը: Այս մասին դերասանուհին պատմել է Deadline Hollywood-ին:
Ջոլին կարևորում է, որ մարդ աշխատի ոչ միայն ինքն իր վրա, այլև ընտանիքի անդամներին և անձնական կյանքին ժամանակ հատկացնի: Նա նաև նշել է հասարակությանը օգտակար լինելու հանգամանքի կարևորությունը:
«Ես ունեմ աշխատանք, ամեն օր ես աշխատում եմ ինձ վրա, որպեսզի աճեմ՝ որպես անհատականություն: Մենք փորձում ենք գտնել որոշակի բալանս: Կարծում եմ, եթե մարդիկ գլոբալ ինչ-որ բան չեն անում, պիտանի չեն լինում հասարակությանը, գալիս է մի ժամանակ, երբ իրենց երջանիկ չեն զգում»,- ասել է նա:
Դերասանուհին հավելել է, որ ժամանակի ընթացքում իր հասարակական գործունեությանը, ինչով նա ակտիվորեն զբաղվում է, մասնակից կդարձնի նաև իր երեխաներին: