«Երբ հայերը կենտրոնացած են, նրանք սարսափելի տեսք ունեն». Գարիկ Մարտիրոսյանի ու Միշա Գալուստյանի թիմը հաղթել է «Ի՞նչ, որտե՞ղ, ե՞րբ» հեռուստախաղում

11:23   5 մարտի, 2018

Երեկ մեկնարկել է «Ի՞նչ, որտե՞ղ, ե՞րբ» հանրահայտ հեռուստախաղի գարնանային եթերաշրջանն ու դրան մասնակցել է КВН-ի անդամներից կազմված թիմը՝ Գարիկ Մարտիրոսյանը, Միշա Գալուստյանը, Ալեքսեյ Կրիվենյան, Էլդիյար Կենենսարովը, Վադիկ Գալիգինը, Սերգեյ Կաշնիկովը։ Թիմը հաղթել է հանդիսատեսին 6։4 հաշվով, չնայած սկզբում հաջողությունը նրանց կողմից չէր։

«Երբ հայերը կենտրոնացած են, նրանք սարսափելի տեսք ունեն»,- ասել է Գարիկը հաղորդման ժամանակ, որից հետո թիմը սկսել է հաղթել։

«Շնորհավորում եմ մեր ամբողջ թմին՝ փայլուն Էլդիյար Կենենսարովին, Միխայիլ Գալուստյանին ու Ալեքսեյ Կրիվենին։ Կեցցե՛ք։ Անկասկած, պրոֆեսիոնալ գիտակներն ավելի լավ կխաղային, բայց սիրողական մակարդակի համար մենք էլ վատ չխաղացինք։ Ադրենալինի մակարդակը սարսափելի բարձր էր ու դա է ամենակարևորը։

P.S. Առանձին շնորհակալություն Ալես Մուխինին՝ բրեյնսթորմինգի, ինտենսիվ մարզումների ու արժեքավոր խորհուրդների համար»,- գրել էր Instagram -ում Գարիկը։  



© NEWS.am STYLE