Առնոլդ Շվարցենեգերը հայտնել է նոր «Տերմինատորի» նկարահանումների մասին
17:31 6 մարտի, 2018Քալիֆորնիայի նախկին նահանգապետ Առնոլդ Շվարցենեգերը պատմել է, թե երբ են սկսվելու «Տերմինատորի» վեցերորդ մասի նկարահանումները, հայտնում է Express-ը։
Դերասանի խոսքով՝ ֆիլմը նկարահանելու են հունիսից հոկտեմբեր ժամանակահատվածում։
«Անհամբերությամբ սպասում եմ իմ վերադարձին որպես T-800 մոդել։ Հրաշալի կլինի նորից աշխատել ռեժիսոր Թիմ Միլլերի հետ: Ֆիլմը նկարահանելու ենք Ջեյմս Քեմերոնի հսկողության տակ»,- հայտնել է Շվարցենեգերը։
Նրա խոսքով՝ կինոսագայի վեցերորդ մասում ինքը կատարելու է ոչ թե մարդասպան ռոբոտի, այլ նրա նախատիպի՝ մարդու դեր։
«Հարցրեք ինքներդ ձեզ՝ ինչո՞ւ են բոլոր պերսոնաժները Առնոլդի նման շարժվում ու խոսում։ Դա պետք է որ բացատրություն ունենա։ Ճի՛շտ է՝ իմ մոտ էլ մտքի փայլատակում եղավ ու ես հասկացա, որ նա պետք է նախատիպ ունենար»,- ասել էր ավելի վաղ Ջեյմս Քեմերոնը։