Քայլի Ջեներն իր բոյֆրենդ Թրևիս Սքոթի հետ Մայամիում է, որտեղ 25-ամյա ռեփերը մի քանի համերգ է տվել քաղաքի գիշերային ակումբներում։
Այսօր հյուրանոցից դուրս գալու պահին Քիմ Քարդաշյանի 20-ամյա քրոջն ու երաժիշտին նկատել են պապարացիները։
Դատելով լուսանկարից ու նաև այդ նույն պապարացիների խոսքերից՝ Քայլիի աչքի տակ կապտուկ կար ու նա անընդհատ թաքցնում էր դեմքի այդ մասը։
Զույգը հյուրանոցից դուրս է եկել առանձին -առանձին, մոտեցել մեքենային ու հեռացել։
Ի դեպ, նրանց դուստրը՝ Սթորմին, ծնողների հետ չէր։ Հիշեցնենք, որ օրերս Քայլի Ջեները առաջին անգամ ցույց էր տվել իր դստեր՝ Սթորմիի դեմքը։
Քայլի Ջեները հրապարակել էր փոքրիկ Սթորմիի լուսանկարն իր Instagram-ի էջում։ 20-ամյա աստղը լուսանկարն այսպես էր մեկնաբանել․ «Իմ սիրելի դուստրը»։