Այսօր ավելի, քան երբեւէ հայ կանայք լինելու են ուշադրության կենտրոնում, քանի որ մեկնարկեց կանանց համար այդքան սպասված, իսկ տղամարդկանց՝ ոչ այնքան սիրելի մեկամսյակը :) Մարտի 8-ը լավ առիթ է հայտնի տղամարդկանց հետ աղջիկների մասին խոսելու համար: Մեր առաջին բլից հարցման հերոսը բազմաթիվ աջիկների սիրելի Բեն Ավետիսյանն է, որն այս շրջանում նկարահանվում է «Երեւի» հեռուստասերիալում:
Ինչպիսի՞ աղջիկների է նախընտրում Բենը, աղջիկների ո՞ր հատկանիշները չի սիրում եւ ինչպիսի՞ն կցանկանար տեսնել հայուհիներին. դերասանը պատմել է NEWS.am STYLE-ին:
Բեն, շիկահերնե՞ր, թե՞ սեւահերներ:
Շիկահերներ էլ, սեւահերներ էլ :)
Կինը գրավիչ է, երբ...
Խելացի է ու կանացի…
Չես սիրում, երբ աղջիկը...
Չեմ սիրում, երբ աղջիկը փորձում է համեմատվել տղայի հետ:
Քեզ դուր գալու համար կինը պետք է լինի...
Պետք է լինի խելացի, համեստ, հարգալից, ուրախ:
Քիմ Քարդաշյա՞ն, թե՞ Նազենի Հովհաննիսյան:
Նազենի Հովհաննիսյան: Մի քիչ էլ՝ Քիմ :)
Ամբոխից կառանձնացնես այն երկրպագուհուն, որը...
Կառանձնացնեմ այն երկրպագուհուն, որը տալիս է խելացի մեկնաբանություններ եւ միշտ մասնագիտորեն է մոտենում հարցին: Իմ բոլոր երկրպագուհիներն էլ այդպիսին են:
Նախընտրում ես, որ աղջիկը լինի գեղեցի՞կ, թե՞ սեքսուալ:
Նախընտրում եմ, որ աղջիկը լինի գեղեցիկ:
Փոքր տարիքում սիրահարված ես եղել…
Կլաուդիա Մորիին…
Ո՞ւմ ես Մարտի 8-ի կապակցությամբ ծաղիկներ նվիրելու:
Իմ կյանքի առաջին ու անփոխարինելի գեղեցիկ սեռի ներկայացուցչին՝ մայրիկիս:
Ի՞նչը կփոխեիր հայ աղջիկների մեջ:
Ոչինչ չէի փոխի եւ կցանկանայի, որ իրենք էլ իրենց ներսի հայ աղջկա կերպարը չփոխեին:
Սյունե Առաքելյան
Լուսանկարները՝ Բեն Ավետիսյանի Instagram-ի էջից