Քոլին Ֆերթի կինը ոստիկանություն է դիմել՝ բողոքելով նախկին սիրեկանի դեմ

Քոլին Ֆերթի կինը ոստիկանություն է դիմել՝ նախկին սիրեկանի դեմ բողոքով։  Just Jared-ի փոխանցմամբ՝ դերասանի 48-ամյա կինը՝ Լիվիա Ջուջոլին, 55-ամյա լրագրող Մարկո Բրանկաչիային մեղադրել է իրեն հետապնդելու մեջ։ 58–ամյա Քոլինի կինը հանդես է եկել հայտարարությամբ՝ խոստովանելով լրագրողի հետ իր սիրավեպը։

Լիվիա Ջուջոլին ամուսնացած է բրիտանացի դերասանի հետ ավելի քան 20 տարի եւ նրա հետ մեծացնում է երկու որդիներին։ Լիվիան հաստատել է, որ սիրավետ է ունեցել Մարկոյի հետ, երբ իր ու Ֆերթի հարաբերությունները ճգնաժամ էին ապրում, եւ նրանք առժամանակ որոշել էին բաժանվել։ Զույգի ներկայացուցիչները մեկնաբանել են սկանդալը։

Մի քանի տարի առաջ Քոլինը եւ Լիվիան որոշել էին բաժանվել։ Այդ ժամանակ Լիվիան ոչ շարունակական կապի մեջ էր իր վաղեմի ընկերոջ՝ պարոն Բրանկաչիայի հետ։ Սակայն ամուսինները վերամիավորվեցին։ Բայց պարոն Բրանկաչիան մի քանի ամիս շարունակ հետապնդում էր Լիվիային, կան ապացույցներ։ Հասկանալի պատճառներով, զույգը չէր ցանկացել բարձրաձայնել այս պատմության մասին։

Մարկո Բրանկաչիան այլ տեսակետ ունի տեղի ունեցածի վերաբերյալ.

«Նա ցանկանում էր թողել Քոլինին հանուն ինձ։ Իմ հետապնդումներն արտահայտվել են երկու հաղորդագրությամբ WhatsApp-ում եւ էլեկտրոնային փոստին։ Ես գրել եմ նրան, երբ նա խզեց մեր հարաբերությունները 2016 թվականի հունիսին։ ես Քոլինին նամակ եմ գրել Լիվիայի եւ իմ հարաբերությունների մասին, որի համար հիմա զղջում եմ, իսկ նա իմ դեմ բողոք է ներկայացրել, քանի որ վախենում է, որ ես կարող եմ բարձրաձայնել ամուսնության եւ աշխատանքի մասին նրա պատմածները։ Մեր հարաբերությունների մեկ տարվա ընթացում նա մի քանի հարյուր հաղորդագրություններ է ուղարկել իր զգացմունքների մասին, լուսանկարներ, տեսանյութեր եւ նույնիսկ օրագիրը»,-հայտարարել է Մարկո Բրանկաչիան։

Լուսանկարները՝ REX, Shutterstock